فوتو: gov.kz
كوپتەگەن ادامداردى قاۋىپتەن قۇتقارىپ جۇرگەن ۋچاسكەلىك قىزمەتكەرلەردىڭ جۇمىسى كۇردەلى, جاۋاپتى ءارى ماڭىزدى ەكەنىن اتاپ وتكەن قالا اكىمى ەلوردانىڭ ۇزدىك ۋچاسكەلىك ينسپەكتورىن انىقتايتىن كونكۋرستا اتالعان اتاققا اسقار پاپىشەۆ يە بولعانىن جازدى.
بەلگىلى بولعانداي, اسقار پاپىشەۆ بيىل بىرنەشە بالانىڭ جانە ايەل ادامنىڭ 9-قاباتتان قۇلاپ كەتۋىنە جول بەرمەي, ۇلكەن قاۋىپتەن قۇتقارىپ قالعان, اتالعان ارەكەت ونىڭ باتىل قادامدارىنىڭ ءبىرى عانا.
«مەملەكەت باسشىسى جەرگىلىكتى پوليتسيا قىزمەتىن رەفورمالاۋ اياسىندا قۇقىق بۇزۋشىلىقتىڭ الدىن الۋ سالاسىنداعى نەگىزگى بۋىن بولىپ سانالاتىن ۋچاسكەلىك پوليتسيا ينسپەكتورلارىنىڭ ءرولى زور ەكەنىن اتاپ ءوتتى. قالالىق پوليتسيا دەپارتامەنتىمەن بىرلەسىپ, ماتەريالدىق-تەحنيكالىق بازانى, ۋچاسكەلىك پۋنكتەردى, قىزمەتكەرلەردىڭ ەڭبەك جاعدايىن جاقسارتۋ, ۋچاسكەلىك ينسپەكتورلار سانىن كوبەيتۋ سەكىلدى تاعى باسقا جۇمىستاردى جالعاستىرامىز», دەپ جازدى جەڭىس قاسىمبەك.
