فوتو: قورعانىس مينيسترلىگى
– 2023 جىلى قارۋلى كۇشتەر جوعارعى باس قولباسشىسىنىڭ قاتىسۋىمەن بىرقاتار ءىس-شارا ءوتتى. بۇل – بۇكىلارميالىق كەڭەس, «باتىل تويتارىس» ستراتەگيالىق كوماندالىق-شتابتىق وقۋ-جاتتىعۋى, «بەكەت» ۆەدومستۆوارالىق تاكتيكالىق وقۋ-جاتتىعۋى. وندا ءبىزدىڭ اسكەري قىزمەتشىلەرىمىز كاسىبيلىگىن تولىق كولەمدە كورسەتە الدى. بۇگىن ءبىز قۇزىرەتتىلىگى, جوعارى مورالدىق-ىسكەرلىك قاسيەتتەرى مەن دەنە شىنىقتىرۋ جاعىنان ۇزدىك كورىنگەندەرگە قۇرمەت كورسەتىپ وتىرمىز, – دەدى ول.
ءوز مىندەتتەرىن ءمىنسىز ورىنداۋىمەن ەرەكشەلەنگەن «شىعىس» وڭق اسكەرلەرى قولباسشىسى باسقارماسى شتابىنىڭ وفيتسەرى پودپولكوۆنيك ۆياچەسلاۆ انفينوگەنوۆ ۇزدىك جەدەل كەزەكشى اتاعىن يەلەندى.
27943 اسكەري ءبولىمىنىڭ اسكەري قىزمەتشىسى سەرجانت الماتى سۇلەيمەن جاۋىنگەرلىك ماشينانىڭ ۇزدىك كومانديرى اتاندى. ول كوماندالىق داعدىلارى مەن تەحنيكانى شەبەر مەڭگەرۋىمەن ەرەكشەلەندى.
گاۋبيتسادان اتۋداعى ءدال سوققىلارى ءۇشىن 82796 اسكەري ءبولىمىنىڭ نۇسقاۋشىسى اعا سەرجانت ايدار قالدەنوۆ ارتيللەريالىق ەسەپتوپتىڭ ۇزدىك كومانديرى دەپ تانىلدى.
31775 اسكەري ءبولىمىنىڭ تەحنيگى 3-سىنىپتى سەرجانت داستان جاقىپوۆ جاياۋ اسكەر جاۋىنگەرلىك ماشيناسىنىڭ ۇزدىك مەحانيك-جۇرگىزۋشىسى اتاندى. داستان جاقىپوۆتىڭ «استانا» وڭق تاكتيكالىق وقۋ-جاتتىعۋلارىنداعى شەبەرلىگىنىڭ ارقاسىندا روتا جوعارى ناتيجە كورسەتتى.
41433 اسكەري ءبولىمىنىڭ بولىمشە كومانديرى سەرجانت ميراس مىڭباەۆ وقۋ-جاتتىعۋلاردا قارۋدى جاقسى مەڭگەرگەنىن دالەلدەپ, ۇزدىك مەرگەن اتاعىن يەلەندى. اباي وبلىسىنىڭ ورمان القابىندا بولعان ءورتتى سوندىرۋگە بەلسەندى قاتىسقان 54835 اسكەري ءبولىمىنىڭ اۆياتسيالىق بۋىن كومانديرى كاپيتان داۋرەن جارماقوۆ كاسىبي شەبەرلىگى مەن باتىلدىعى ءۇشىن ۇزدىك ۇشقىش اتاندى.
ەلىمىزدىڭ اۋە شەبىن قورعاۋدى ۇيىمداستىرۋدا جوعارى كورسەتكىشتەرگە قول جەتكىزگەن 31767 اسكەري ءبولىمى جەكە راديولوكاتسيالىق روتاسىنىڭ كومانديرى كاپيتان وركەن ماحامبەتوۆ اۋە شابۋىلىنا قارسى قورعانىس اسكەرلەرىنىڭ ۇزدىك مامانى بولدى.
حالىقارالىق ارميا ويىندارىنىڭ «تەڭىز كۋبوگى» بايقاۋىندا بىرنەشە رەت جۇلدەلى ورىندارعا يە بولعان ءارى وزىنە سەنىپ تاپسىرىلعان ەكيپاجدى شەبەر باسقارعانى ءۇشىن 21814 اسكەري ءبولىمى «قازاقستان» زىمىران-ارتيللەريالىق كەمەسىنىڭ كومانديرى 3 دارەجەلى كاپيتان رۋسلان ياحياروۆ ءوز نوميناتسياسى بويىنشا ۇزدىك اتاندى.
سەنىپ تاپسىرىلعان بولىمشەنىڭ قىزمەتىن ۇيىمداستىرۋدا ۇزدىك كورسەتكىشتەرگە قول جەتكىزگەن 48386 اسكەري ءبولىمىنىڭ ۆزۆود سەرجانتى اعا سەرجانت ەرزات احمادي اسكەري بارلاۋدىڭ ۇزدىگى بولىپ تانىلدى.
قىزمەتتە جوعارى كورسەتكىشتەرگە قول جەتكىزگەن 29219 اسكەري ءبولىمى جانار-جاعارماي قىزمەتىنىڭ سەرجانتى اعا سەرجانت ايدوس تەمىرحان ماتەريالدىق-تەحنيكالىق قامتاماسىز ەتۋدىڭ ۇزدىك مامانى اتاندى. جوعارى كاسىبيلىگى مەن ادالدىعى ءۇشىن 03811 اسكەري ءبولىمى مەديتسينالىق ۆزۆودىنىڭ فەلدشەرى 3-سىنىپتى سەرجانت انار ءسۇيىمحانوۆا مەديتسينالىق قىزمەتتىڭ ۇزدىك مامانى دەپ تانىلدى. ليۆانداعى بۇۇ ۋاقىتشا كۇشتەرىنىڭ قۇرامىندا ءساتتى قىزمەت ەتكەن بىتىمگەرلىك وپەراتسيالار ورتالىعى باسقارماسى جەكە دايىندىق قىزمەتىنىڭ اعا وفيتسەرى پودپولكوۆنيك ەرمەك تولەسوۆ جىل بىتىمگەرى اتاعىن يەلەندى.
03811 اسكەري ءبولىمى كومانديرىنىڭ ورىنباسارى مايور شەرحان بالتاباي سەنىپ تاپسىرىلعان بولىمشەدە جوعارى اسكەري ءتارتىپ پەن قولايلى مورالدىق-پسيحولوگيالىق احۋالدى قامتاماسىز ەتكەنى ءۇشىن ۇزدىك وفيتسەر-تاربيەشى اتاندى. ماقساتشىلدىق, ەڭبەكقورلىق جانە ۇلگىلى اسكەري تارتىبىمەن ەرەكشەلەنگەن ۇلتتىق قورعانىس ۋنيۆەرسيتەتىنىڭ وقىتۋشىسى پولكوۆنيك ديدار تۇرسىنبەكوۆا اسكەري وقۋ ورنىنىڭ ۇزدىك وقىتۋشىسى اتاندى. XIII بۇكىلارميالىق بايقاۋدا ۇزدىك جەتىستىك كورسەتكەن 74884 اسكەري ءبولىمىنىڭ وترياد سەرجانتى 2-سىنىپتى سەرجانت ورىنبەك ساندىبەكوۆ جىل قورىتىندىسى بويىنشا قارۋلى كۇشتەردىڭ ۇزدىك سەرجانتى دەپ تانىلدى.
«باتىل تويتارىس-2023» وقۋ-جاتتىعۋىندا 16194 اسكەري ءبولىمى بولىمشەسىنىڭ كومانديرى سەرجانت جومارت قالىباەۆتىڭ باسشىلىعىمەن بولىمشە جوعارى ناتيجەلەر كورسەتتى. وسىلايشا جومارت قالىباەۆ بايلانىس اسكەرلەرىنىڭ ۇزدىك مامانى اتاندى. 58012 اسكەري ءبولىمىنىڭ نۇسقاۋشىسى اعا سەرجانت نۇرسۇلتان ءبيسىمبايدىڭ ارىستاعى, سارىكەمەردەگى جارىلىس سالدارىن جويۋ جانە «باتىل تويتارىس-2023» وقۋ-جاتتىعۋىنداعى مىندەتتەردى ورىنداۋ كەزىندەگى كاسىبي مامان رەتىندەگى جاۋاپكەرشىلىگى ونى ەڭ ۇزدىك مامان-ساپەر دەپ شەشىم قابىلداۋعا باستاما بولدى.
انىقتاۋ جانە ىزدەستىرۋ ءبولىمىنىڭ جۇمىسىن ساپالى ۇيىمداستىرعانى ءۇشىن اقمولا وڭىرلىك گارنيزونى اسكەري پوليتسيا باسقارماسى باستىعىنىڭ ورىنباسارى ادىلەت پودپولكوۆنيگى قۋانىش جاكەەۆ اسكەري پوليتسيانىڭ ۇزدىك قىزمەتكەرى اتاندى. رحبق اسكەرلەرىنىڭ ۇزدىك مامانى 25744 اسكەري ءبولىمى روتاسىنىڭ سەرجانتى 3-سىنىپتى سەرجانت مارعۇلان ساۋداەۆ بولدى. ول وزىنە جۇكتەلگەن مىندەتتەردى كاسىبي تۇرعىدا, اسقان جاۋاپكەرشىلىكپەن ورىنداپ ەرەكشەلەندى.
اۋە شابۋىلىنا قارسى قورعانىس اسكەرلەرىنىڭ زاڭ باسقارماسىنىڭ باستىعى پودپولكوۆنيك رۋستام سماعۇلوۆتىڭ جوعارى كاسىبي دەڭگەيى بولىمشەنىڭ قۇقىقتىق قىزمەتىن ساپالى قامتاماسىز ەتۋگە نەگىز بولدى. ءسويتىپ ول ەڭ جاقسى زاڭگەر اتاندى. بۋحگالتەرلىك ەسەپ پەن قارجىلىق ەسەپتىلىكتى ءمىنسىز جۇرگىزگەن قۇرلىق اسكەرلەرىنىڭ باس قولباسشىسى باسقارماسى قارجى جانە ەكونوميكا باسقارماسىنىڭ اعا وفيتسەرى مايور بەرىك كاركەنوۆتى ۇزدىك دەپ تانۋعا مۇمكىندىك بەردى.
اسكەري كادرلار اراسىندا 30212 اسكەري ءبولىمى كادرلار ءبولىمىنىڭ باستىعى كاپيتان سايات جولىمبەتوۆ ءوز ءىسىنىڭ شەبەرى اتاندى, ول بولىمشەنىڭ كادر جۇمىسىن ساپالى جاڭا دەڭگەيگە كوتەردى. 68665 اسكەري ءبولىمىنىڭ اسكەري قىزمەتشىسى پراپورششيك انار اۋقاجيەۆانىڭ وتباسى ەڭ مىقتى ءارى تاتۋلىعى مول كوپۇلتتى وتباسى دەپ تانىلدى. ەرلى-زايىپتىلار ءتورت بالا تاربيەلەپ ءوسىرىپ وتىر. ولاردىڭ ۇلكەنى – سانكت-پەتەربۋرگتەگى ا. موجايسكي اتىنداعى اسكەري-عارىش اكادەمياسىنىڭ كۋرسانتى. 85395 اسكەري ءبولىمى مەرگەندەر ۆزۆودىنىڭ كومانديرى 3-سىنىپتى سەرجانت ەۆگەني نامنىڭ جەتىستىكتەرى ونىڭ ۇزدىك جاۋىنگەر-سپورتشى رەتىندە تانىلۋىنا نەگىز بولدى. 2023 جىلى استانادا وتكەن Tartyl Fest تۋرنيرىندە بەلتەمىرگە تارتىلىپ, قازاقستان چەمپيونى اتاندى, ال اسكەري كوپسايىستان قارۋلى كۇشتەردىڭ بىرىنشىلىگىندە بەلتەمىرگە 152 رەت تارتىلىپ, رەكورد جاسادى.
ءوز ءىسىنىڭ تارلاندارى ءمينيستردىڭ اتىنان ديپلومدارمەن, اتاۋلى مۇسىنشەلەرمەن جانە اقشالاي سىيلىقتارمەن ماراپاتتالدى.
