ينۆەستيتسيالىق جوبالار مال شارۋاشىلىعىن اۋقىمدى دامىتۋدىڭ كەڭ سپەكترىن قامتيدى: 2,5 مىڭ مال باسىنا ارنالعان اسىل تۇقىمدى مال شارۋاشىلىعىن, 5 مىڭ باسقا ارنالعان مال بورداقىلاۋ الاڭىن قۇرۋ جانە قايتا وڭدەۋ («ولجا اگرو» جشس, قوستاناي وبلىسى), 100 مىڭ باسقا ارنالعان مەگا ءىرى بورداقىلاۋ الاڭىن سالۋ, 1,2 گەكتار جەردى سۋارۋ («تەررا» جشس, باتىس قازاقستان وبلىسى), ەت كومبيناتىن جاڭعىرتۋ جانە بيوگاز, ەلەكتر ەنەرگياسى, تىڭايتقىشتار ءوندىرۋ بويىنشا جاسىل تەحنولوگيالاردى ەنگىزۋ («قاراسۋ استىق» جشس, قوستاناي وبلىسى), مال ازىعى داقىلدارىن ءوسىرۋ, ءوندىرۋ, مال بيرجاسىن جانە قالدىقتاردى تەرەڭ وڭدەيتىن ەت كومبيناتىن سالۋ («قايىپ اتا» جشس, تۇركىستان وبلىسى) جەتىسۋدا جاڭا مال بورداقىلاۋ الاڭدارىن سالۋ جانە قولدانىستاعى بورداقىلاۋ الاڭدارىن كەڭەيتۋ («قايىڭدى» جشس).
قاناتقاقتى جوبانىڭ ءبىرىنشى كەزەڭىندە اۋىل شارۋاشىلىعى مەن قاتىسۋشى نىسانداردىڭ جاي-كۇيىنە ەگجەي-تەگجەي تالداۋ جانە اۋديت جۇرگىزۋ, ياعني قولدا بار رەسۋرستاردى, اعىمداعى قىزمەتتى, دامۋ جوسپارلارىن باعالاۋ جانە ولاردىڭ ءاربىر كاسىپورىن ءۇشىن قانشالىقتى ءتيىمدى ەكەنىن انىقتاۋ كوزدەلەدى. بۇل ماسەلەدە وتاندىق فەرمەرلەرگە حالىقارالىق ماماندار توبى كومەكتەسەدى.
ەكىنشى كەزەڭدە ءاربىر جوبانى دامىتۋدىڭ قارجىلىق مودەلى مەن بيزنەس-جوسپارىن ازىرلەيدى. ال ءۇشىنشى كەزەڭدە ونى جۇزەگە اسىرۋعا كىرىسەدى. قاناتقاقتى جوباعا قاتىسۋشىلاردىڭ كەيبىرىنىڭ اۋستراليالىق تەحنولوگيالارمەن جۇمىس ىستەۋ تاجىريبەسى بار ەكەنىن ەسكەرە وتىرىپ, نىسانداردىڭ قۇرىلىسىن 2024 جىلدىڭ كوكتەمىندە باستاۋ جوسپارلانىپ وتىر.
قازىرگى تاڭدا اۋىل شارۋاشىلىعى مينيسترلىگى ەتتى مال شارۋاشىلىعىن دامىتۋدىڭ ۇشجىلدىق كەزەڭىنە ارنالعان جول كارتاسىن ازىرلەپ جاتىر. قۇجاتتا مال باسىنىڭ ورتاشا تاۋلىكتىك سالماعىن ارتتىرۋعا جانە جوعارى سالماق ستاندارتتارىنا قول جەتكىزۋ مەرزىمىن قىسقارتۋعا ىقپال ەتەتىن زاماناۋي تەحنولوگيالاردى قولدانۋ نەگىزىندە قازىرگى زامانعى ەكسپورتقا باعىتتالعان ەت كومبيناتتارى مەن ءىرى قارا مال وسىرۋگە ارنالعان بورداقىلاۋ الاڭدارىن قۇرۋ جونىندەگى شارالاردى ەنگىزۋ جوسپارلانىپ وتىر.
وتاندىق كاسىپورىندار بازاسىندا مال شارۋاشىلىعىن جۇرگىزۋدىڭ اۋستراليالىق ءادىسىن ەنگىزۋ بويىنشا قاناتقاقتى جوبا – اتالعان قۇجاتتىڭ ءبىر تارماعى.
