بۇگىنگى تاڭدا بۇكىل الەمدە كۇندەلىكتى 1 ميللياردتان استام ادام TikTok-تا ءتۇرلى كونتەنت جاساپ وتىر. دەگەنمەن 2023 جىلى پلاتفورمانىڭ قازاقستانداعى قاۋىمداستىعى ايتارلىقتاي بەلسەندىلىك تانىتقان. سونىمەن جىل سوڭىندا «قازاقستانداعى تانىمال روليكتەر», «جىل توپجارعانى», «قازاقستان كرەاتورلارى» «باستى حيتتەر», «جىلدىڭ مۋزىكالىق ءارتيسى», «جەرگىلىكتى بيزنەس», «TikTok-تان ۇيرەن», «تikTok-تا عانا», «#Kiتاپتوك», «قازاق مادەنيەتى» اتالىمدارى بويىنشا توپجارعان قولدانۋشىلار انىقتالدى.
وعان قوسا 2023 جىلدان باستاپ قازاق تىلىندەگى TikTok قوسىمشاسى ىسكە قوسىلدى. بيىل TikTok مادەنيەت جانە سپورت مينيسترلىگىنىڭ قولداۋىمەن ناۋرىز مەرەكەسىنىڭ قۇرمەتىنە وراي, ەڭ العاشقى #ناۋرىز2023 ونلاين-فەستيۆالىن ۇيىمداستىرعان. ونلاين-فەستيۆال اياسىندا جاريالانعان بەينەباياندار 200 ميلليوننان اسا قارالىم جينادى.
بيىل مادەنيەت جانە سپورت مينيسترلىگىنىڭ قولداۋىمەن TikTok-تا ەڭ ءىرى ۆيرتۋالدى كىتاپ كلۋب – #Kitaptok-قا قوسىلدى. جوبا ىسكە قوسىلعاننان كەيىن ءبىر عانا ايدىڭ ىشىندە 35 ميلليوننان استام قارالىم جيناپ, بۇل باستامانى ءار ايماقتاعى 18 كىتاپحانا مەن TikTok كونتەنتىندەگى تانىمال اۆتورلار قولداعان.
سول سياقتى پلاتفورمادا #قازاقستانمۇعالىمدەرى جوباسى اۋقىمىن كەڭەيتتى. بايقاۋدا مەكتەپ مۇعالىمدەرىمەن قوسا, كوللەدجدەر مەن جوعارى ءبىلىم بەرەتىن ۇيىمداردىڭ وقىتۋشىلارى دا باقتارىن سىنادى. جارىستىڭ ناتيجەسى 2023 جىلدىڭ جەلتوقسان ايىندا جاريا بولادى.
ءوتىپ بارا جاتقان جىلدىڭ سونى باستاماسى – TikTok پەن Kazakh Tourism ۇق اۋقىمدى, ۇزاق مەرزىمگە ارنالعان #قازاقستانگيدىن ىسكە قوسسا, ونىڭ اياسىندا قولدانۋشىلار كورىكتى مەكەندەر, مادەني ورىندار مەن بۇكىل ەلدەگى گاسترونوميالىق تۋريزمگە ارنالعان ورىندار تۋرالى بەينەباياندار ءتۇسىردى. جوبانىڭ ماقساتى – ىشكى تۋريزمگە نازار اۋدارتىپ, پلاتفورما قاۋىمداستىعىن تۋعان جەرگە كوبىرەك ساياحاتتاۋعا شاقىرىپ, سونداي-اق شاعىن جانە ورتا بيزنەسكە قولداۋ تانىتا وتىرىپ, مادەني جانە تۋريستىك ۇيىمدارعا وزدەرىن ناسيحاتتاپ, جاڭا اۋديتوريا تارتۋ بولاتىن.
ەڭ باستىسى, TikTok ءۇشىن قولدانۋشىلاردىڭ قاۋىپسىزدىگى باسىم باعىت بولىپ قالا بەرەتىندىكتەن, قولدانۋشىلارىنىڭ تسيفرلىق ساۋاتتىلىق دەڭگەيىن ارتتىرۋعا باعىتتالعان قازاقستانداعى «قاۋىپسىزدىك اكادەمياسى» اعارتۋشىلىق باستاماسىن دامىتۋدى جالعاستىردى. بيىل وسى باستامانىڭ اياسىندا TikTok يۋنيسەف, AlmaU سياقتى ۇيىمداردىڭ ساراپشىلارىمەن بىرلەسىپ, بىرقاتار جوبانى ىسكە قوستى.
الماتى
