فوتو: gov.kz
9 جەلتوقساندا اكىمشىلىك ۋچاسكەدە پروفيلاكتيكالىق ءىس-شارالاردى وتكىزۋ بارىسىندا كامەلەتكە تولماعاندار ىستەرى جونىندەگى ينسپەكتور ايمەرەكە مۇحانبەتقازينا قالاداعى كافە ماڭىندا شۋلاعان ءۇش جاس جىگىتتى بايقاعان. ونى كورگەندە جىگىتتەردىڭ بىردەن تىنىشتالۋى ينسپەكتوردىڭ كۇدىگىن تۋعىزعان.
پوليتسەي جاقىنداعان ساتتە ولاردىڭ ءبىرى كومەككە مۇقتاج ەكەندىگى تۋرالى حالىقارالىق سيگنال – قول قيمىلىن كورسەتكەنىن بايقادى. وعان قاۋىپ ءتونىپ تۇرعانىن تۇسىنگەن ا.مۇحامبەتقازينا بىردەن «102» نومىرىنە قوڭىراۋ شالعان. ارىپتەستەرى كەلگەنگە دەيىن ول قۇقىق بۇزۋشىلاردى ءوز بەتىنشە ۇستاۋعا تىرىستى, ءبىرىنىڭ قولىندا پىشاق تارىزدەس زات بار ەكەنىن بايقاپ, ولاردى اڭگىمەگە تارتتى.
وسى ۋاقىت ىشىندە پوليتسيا جاساعى دا جەتىپ, قۇقىق بۇزۋشىلاردى ۇستاعان. تەرگەۋ جۇرگىزىلىپ جاتىر.
