فوتو: primeminister.kz
بۇعان دەيىن جوعارعى سوت توراعاسى اسلامبەك مەرعاليەۆ مەملەكەت باسشىسىنا ۇسىنىلىپ وتىرعان جاڭاشىلدىقتار تۋرالى بايانداعان ەدى.
«تۇزەتۋلەردى سەنات الاڭىندا ارنايى قۇرىلعان جۇمىس توبى ازىرلەدى. وزگەرىستەر «قازاقستان رەسپۋبليكاسىنىڭ سوت جۇيەسى مەن سۋديالارىنىڭ مارتەبەسى تۋرالى» كونستيتۋتسيالىق زاڭعا, پروتسەستىك كودەكستەرگە, سونداي-اق بىرقاتار ارنايى زاڭدارعا ەنگىزىلەدى. جوعارعى سوت توراعاسى ۇسىنعان نەگىزگى جاڭاشىلدىقتاردىڭ ءبىرى – قىلمىستىق جانە ازاماتتىق ىستەر بويىنشا كاسساتسيالىق ءوتىنىشحاتتاردى الدىن الا قاراۋدى الىپ تاستاۋ. زاڭ جوباسى سونداي-اق سوت القاسىنىڭ جانە سوت تورەلىگى ساپاسى جونىندەگى كوميسسيانىڭ جۇمىسىن جەتىلدىرۋگە, سۋديالاردىڭ تاۋەلسىزدىگىن كۇشەيتۋگە باعىتتالعانى» جازىلعان اقپاراتتا.
مەملەكەت باسشىسىنىڭ تاپسىرمالارىن ىسكە اسىرۋ اياسىندا اپەللياتسيالىق نەمەسە كاسساتسيالىق ساتىداعى سوت اكتىسىندە كورسەتىلگەن ورەسكەل بۇزۋشىلىقتاردىڭ بارلىق فاكتىسى بۇدان بىلاي بىردەن سوت القاسىنا جىبەرىلەتىن جاڭا مەحانيزم ەنگىزىلمەك.
سونداي-اق باعالاۋ كورسەتكىشتەرىنىڭ سانى وڭتايلانادى, وتستاۆكاداعى سۋديالار ءۇشىن الەۋمەتتىك پاكەت جاقسارادى, مەملەكەتتىك قىزمەتكەر بولىپ تابىلمايتىن زاڭگەرلەر ءۇشىن سوت تورەلىگى اكادەمياسىندا وقۋ قولجەتىمدى بولماق. ن. احمەتزاكيروۆ زاڭ جوبالارىن ىسكە اسىرۋ بيۋدجەتتەن قوسىمشا قاراجات ءبولۋدى تالاپ ەتپەيتىنىن اتاپ ءوتتى. شىعىندار ەل پرەزيدەنتىنىڭ تاپسىرماسى بويىنشا ەنگىزىلگەن سوت جۇيەسىن (بارلىق مەملەكەتتىك ورگاندار شىعىندارىنىڭ جالپى سوماسىنان كەمىندە 6,5%-ى) قارجىلاندىرۋدىڭ جاڭا مودەلى اياسىندا جۇزەگە اسىرىلادى.
كونستيتۋتسيانىڭ 61-بابىنا سايكەس ەنگىزىلگەن تۇزەتۋلەر بويىنشا قابىلدانعان ۇكىمەتتىڭ وڭ قورىتىندىسى ماجىلىستە زاڭ جوبالارىنا ودان ءارى باستاماشىلىق جاساۋ ءۇشىن پارلامەنت دەپۋتاتتارىنا جولدانادى.
