«ەڭ ماڭىزدى فاكتورلاردىڭ ءبىرى – بيزنەستىڭ, ونەركاسىپتىڭ, ينفراقۇرىلىمنىڭ, وڭدەۋ ونەركاسىبىنىڭ, ءتۋريزمنىڭ, اۋىل شارۋاشىلىعىنىڭ جانە ەكونوميكانىڭ باسقا دا سەكتورلارىنىڭ وكىلدەرى اراسىندا تاجىريبە مەن يدەيا الماسۋ ءۇشىن جاعداي جاساۋ. فورۋم كومپانيالار جاڭا ىسكەرلىك بايلانىستار ورناتۋعا, الەۋەتتى ينۆەستيتسيالىق جوبالاردى تالقىلاۋعا جانە ىنتىماقتاستىق مۇمكىنشىلىكتەرىن تالداۋعا مۇمكىندىك بەرەدى», دەدى وبلىس اكىمى مارات سۇلتانعازيەۆ.
سونداي-اق ول وڭىردە قولايلى ينۆەستيتسيالىق احۋال قالىپتاستىرۋ باعىتىندا اتقارىلىپ جاتقان جۇمىستارعا توقتالدى.
«مەملەكەت باسشىسىنىڭ تاپسىرماسىنا سايكەس وبلىس اكىمدىگى ەكونوميكانىڭ ءتۇرلى سالاسىندا ءارتۇرلى جوبانى ىسكە قوسۋ ارقىلى ءوڭىردىڭ دامۋىن ىنتالاندىرۋعا ىقپال ەتەتىن ينۆەستورلار ءۇشىن قولايلى جاعداي جاساپ, جۇكتەلگەن مىندەتتەردى بەلسەندى تۇردە جۇزەگە اسىرۋدا. مەملەكەت ينۆەستيتسيا تارتۋ بويىنشا ءىس-شارالاردى بەلسەندى قابىلداۋدا, ونىڭ ىشىندە بيزنەس ءۇشىن راسىمدەردى جەڭىلدەتۋ, سالىقتىق جەڭىلدىكتەر بەرۋ, ارنايى ەكونوميكالىق ايماقتار مەن ينفراقۇرىلىمداردى قۇرۋ, سونداي-اق ەكونوميكانىڭ يننوۆاتسيالىق سەكتورلارىن قولداۋ بويىنشا بىرقاتار ءىس-شارا ىسكە اسىرىلۋدا», – دەگەن ءوڭىر باسشىسى ءسوزىنىڭ سوڭىندا الماتى وبلىسى ينۆەستيتسيا كولەمى جاعىنان جاڭا ءوڭىر بولا وتىرىپ, الىس-جاقىن ەلدەردىڭ ىسكەر توپتارىنىڭ وكىلدەرىمەن ءوزارا ءتيىمدى قارىم-قاتىناستاردى دامىتۋعا باعىتتالعانىن اتاي كەلە, ديپلوماتيالىق وكىلدىكتەر مەن كونسۋلدىقتاردىڭ وسى باعىتتاعى قولداۋى ءۇشىن العىسىن ءبىلدىردى.
الماتى وبلىسىنىڭ ەكونوميكانىڭ بارلىق سالاسىندا جوبالاردى جۇزەگە اسىرۋ جانە دامىتۋ ءۇشىن ۇلكەن الەۋەتى بار. «اlatau invest» حالىقارالىق بيزنەس-فورۋمىندا الماتى وبلىسىنىڭ كاسىپكەرلىك جانە يندۋستريالدى-يننوۆاتسيالىق دامۋ باسقارماسىنىڭ باسشىسى قۋانىش باقىت ۇلى ءوڭىردىڭ دامۋ بولاشاعى مەن قولايلى ينفراقۇرىلىمى جانە ونىڭ مۇمكىندىكتەرى جونىندە جان-جاقتى باياندادى.
«الماتى وبلىسى ەكونوميكانىڭ ءتۇرلى سالاسىندا جەتەكشى ورىندارعا يە. مىسالى, وڭدەۋ ونەركاسىبى ءوندىرىستىڭ 90 پايىزدان استامىن قۇرايدى, بۇل رەسپۋبليكالىق كورسەتكىشتەن جوعارى. قاعاز ونەركاسىبىندە ءبىز رەسپۋبليكا بويىنشا ءونىمنىڭ 73 پايىزىن وندىرەمىز. فارماتسەۆتيكا سالاسى دا دامىپ كەلەدى, مۇندا وندىرىلەتىن دارىلەردىڭ تورتتەن ءبىرى 22 كاسىپورىندا وندىرىلەدى. ەلدەگى بىلعارى جانە تىگىن بۇيىمدارىنىڭ 40 پايىزىن قۇرايتىن جەڭىل ونەركاسىپ نەگىزگى ورىنداردىڭ ءبىرىن الادى. جاڭارتىلاتىن ەنەرگيا كوزدەرىن دامىتۋ ماسەلەلەرى بويىنشا وبلىس جاقسى ناتيجە كورسەتىپ وتىر. اتاپ ايتساق, 2022 جىلى ولار رەسپۋبليكادا ەكىنشى ورىندى يەلەندى, جاڭارتىلاتىن ەنەرگيا كوزدەرىنىڭ جالپى قۋاتى 419,2 مۆت قۇرادى, ونىڭ ىشىندە 11 جەل ەلەكتر ستانساسى, 6 سۋ ەلەكتر ستانساسى جانە 6 كۇن ەلەكتر ستانساسى. ءتۋريزمدى دامىتۋ بويىنشا دا بەلسەندى جۇمىستار جۇرگىزىلۋدە, قازىرگى تاڭدا وبلىستا ۇلتتىق تابيعي ساياباقتار مەن تەرمالدى سۋ كوزدەرى قوسا 10 تۋريستىك نىسان بار», دەدى باسقارما باسشىسى.
بايانداما بارىسىندا الماتى وبلىسىنىڭ ءاربىر اۋدانىندا جوبالاردى جۇزەگە اسىرۋعا قولايلى جاعداي جاساۋعا ىقپال ەتەتىن بىرەگەي ارتىقشىلىقتار بار ەكەنى باسا ايتىلدى. سونداي-اق وڭىردە ەكونوميكالىق دامۋدى قامتاماسىز ەتۋ ءۇشىن بەلسەندى مەملەكەتتىك قولداۋ ءىس-شارالارى جۇرگىزىلىپ جاتقانى تىلگە تيەك بولدى.
ء«بىز ينۆەستورلاردى وبلىسىمىزدىڭ ءارتۇرلى اۋدانىندا جوبالاردى جۇزەگە اسىرۋعا شاقىرامىز جانە جان-جاقتى كومەك كورسەتۋگە دايىنبىز. مىسالى, بارلىق اەا قاتىسۋشىلارىنا سالىقتىق جەڭىلدىكتەر مەن پرەفەرەنتسيالار بەرىلەدى. ينۆەستورلاردى قولداۋ ءۇشىن ءبىز سالىق جانە كەدەندىك تولەمدەردەن بوساتۋ بولىگىندە قاجەتتى قولداۋ كورسەتۋگە دايىنبىز, ال ينۆەستيتسيالىق كەلىسىمشارتتار جاسالعان جاعدايدا ولار يمپورتتا كەدەندىك باج سالىعى مەن ققس تولەۋدەن بوساتۋدى الا الادى. بۇعان قوسا, ينفراقۇرىلىممەن قامتاماسىز ەتۋ, جەر تەلىمدەرىن ءبولۋ, قۇجاتتامانى دايىنداۋ جانە ازىرلەۋ, سۋبسيديالار مەن مەملەكەتتىك گرانتتار ءبولۋ ارقىلى مەملەكەتتىك قولداۋ شارالارى بار», دەپ حابارلادى قۋانىش باقىت ۇلى.
ءسوز سوڭىندا بۇگىنگى كۇننىڭ باستى ماقساتى – ەكونوميكالىق ءوسىم مەن ءوڭىردىڭ تۇراقتى دامۋىنا ىقپال ەتەتىن قولايلى ينۆەستيتسيالىق ورتانى قۇرۋعا ىقپال ەتۋ ەكەنىن باسا ايتتى. سونىمەن قاتار ول, ءوڭىر باسشىلىعىنىڭ الماتى وبلىسىنىڭ دامۋىنا كۇش-جىگەرى مەن قاراجاتىن سالعىسى كەلەتىن كاسىپكەرلەردى قولداۋعا جانە ولارمەن بىرلەسىپ جۇمىس ىستەۋگە دايىن ەكەنىن دە اتاپ ءوتتى.
الماتى وبلىسى
