فوتو: Turizm jane sport ministrligi
«ۇلتتىق قۇراما كوماندامىز ساپالى دايىندالىپ, ناتيجەلى ونەر كورسەتۋى ءۇشىن شەشۋدى تالاپ ەتەتىن بىرقاتار ۇيىمداستىرۋ ماسەلەلەرى بار. وسىعان بايلانىستى, بارلىق سۇراقتى جان-جاقتى تالقىلاپ, ۋاقىتىلى شەشۋ ءۇشىن بارلىعىمىز باس قوسىپ وتىرمىز», دەگەن مينيستر ەلىمىز ءۇشىن بۇل – ماڭىزدى ءىس-شارالاردىڭ ءبىرى ەكەنىن, ويتكەنى اتالعان وليمپيادا ۇلتتىق قۇراما كوماندانىڭ بولاشاقتا ءىزىن باساتىن سپورتشىلارىمىزدىڭ الەۋەتىن كورسەتەتىنىن اتاپ ءوتتى.
سونداي-اق ەرمەك مارجىقپاەۆ سپورت جانە دەنە شىنىقتىرۋ ىستەرى كوميتەتىنە ۇلتتىق وليمپيادا كوميتەتى, سپورتتى دامىتۋ ديرەكتسياسى جانە وليمپيادالىق دايىندىق ورتالىعىمەن تىزە قوسىپ, بىرقاتار ماسەلەنى شەشۋدى تاپسىردى. ناقتى اتاعاندا, ويىندارعا قاتىساتىن سپورتتىق دەلەگاتسيانىڭ ساپالى قۇرامىن قالىپتاستىرۋ, ۇيىمداستىرۋ كوميتەتىنىڭ تالاپتارىنا سايكەس سپورتتىق جۇكتەمەنىڭ تىزبەسىن پىسىقتاۋ, دەلەگاتسيا مۇشەلەرىن جابدىقتاۋ كەستەسىن بەكىتۋ, سپورتشىلاردىڭ دايىندىق بارىسى مەن تۋ ۇستاۋشىلاردى بەكىتۋ جانە تاعى باسقا ماڭىزدى ماسەلەلەر.
كانۆوندوداعى IV قىسقى جاسوسپىرىمدەر وليمپياداسىنا قازاقستان جاسوسپىرىمدەر قۇراماسى قورجىنىندا ازىرگە سپورتتىڭ 5 تۇرىنەن (بياتلون, كونكيمەن جۇگىرۋ, شورت-ترەك, كەرلينگ, شايبالى حوككەي) 17 جولداما بار. ال جالپى وليمپياداعا الەمنىڭ 70 ەلىنەن 1 800 (950 ۇل, 950 قىز) سپورتشى قاتىسۋى كۇتىلىپ وتىر. سپورتتىڭ 7 تۇرىنەن 15 ديستسيپلينا بويىنشا 81 مەدال جيىنتىعى ساراپقا سالىنادى.
ايتا كەتسەك, IV قىسقى جاسوسپىرىمدەر وليمپياداسىنىڭ اشىلۋ سالتاناتى 19 قاڭتاردا كاننىن قالاسىنداعى «Gangneuung Oval» سپورت كەشەنىندە وتسە, جابىلۋ سالتاناتى 1 اقپاندا «Gangneung Olympic Park» سپورت كەشەنىندە ۇيىمداستىرىلۋى جوسپارلانعان.
