سينوپتيكتەردىڭ مالىمەتىنشە, 12-13 جەلتوقسان كۇندەرى اتموسفەرادا فرونتالدى اۋا ماسساسى وتەتىندىكتەن ەلىمىزدىڭ شىعىسىندا, وڭتۇستىگىندە جانە وڭتۇستىك-شىعىسىندا قار جاۋادى. ال 12 جەلتوقسان كۇنى تاۋلى ايماقتارعا قالىڭ قار تۇسەدى.
قازاقستاننىڭ وڭتۇستىگى مەن شىعىسىندا جەل كۇشەيىپ, تاۋلى ايماقتاردا تۇمان بولادى.
«12-13 جەلتوقساندا تۇندە اۋا تەمپەراتۋراسى سولتۇستىك-باتىستا جانە ورتالىقتا 25-38 گرادۋس اياز, سولتۇستىكتە 30-38 گرادۋس اياز, ەلدىڭ قيىر سولتۇستىگىندە جانە سولتۇستىك-باتىسىندا 40-44 گرادۋس اياز, رەسپۋبليكانىڭ شىعىسىندا 20-38 گرادۋس اياز, 14 جەلتوقساندا 32-38, جەكەلەگەن اۋدانداردا 40-42 گرادۋس ايازعا دەيىن, وڭتۇستىكتە جانە وڭتۇستىك-شىعىستا اۋا تەمپەراتۋراسى 25-30-عا دەيىن, تاۋلى اۋدانداردا 33-38 گرادۋسقا دەيىن تومەندەيدى دەپ بولجانىپ وتىر.
14 جەلتوقساننان باستاپ اركتيكالىق انتيتسيكلون سولتۇستىك-شىعىس باعىتقا ىعىسا باستايدى. انتيتسيكلوننىڭ ىعىسۋىنا بايلانىستى 14 جەلتوقساننان كەيىن اۋا تەمپەراتۋراسى سالىستىرمالى تۇردە جىلىنىپ, تۇنگى ۋاقىتتا اياز تومەندەيدى. باتىستا 5-16 ايازعا دەيىن, سولتۇستىك-باتىستا 15-35 گرادۋسقا دەيىن اياز, سولتۇستىكتە 25-38 گرادۋسقا دەيىن اياز بولادى», دەلىنگەن «قازگيدرومەت» رمك حابارلاماسىندا.
