فورۋمدا ءسوز العان ماڭعىستاۋ وبلىسى ءماسليحاتى اپپاراتىنىڭ مامانى, وڭىرلىك جاستار ءىسى جونىندەگى كەڭەس مۇشەسى گۇلمايسا شاڭباەۆا, وبلىستىق ءماسليحات دەپۋتاتى, «Amanat» پارتياسىنىڭ وبلىستىق فيليالى جانىنداعى «جاستار رۋحى» جق توراعاسى ابزال مارات, اقتاۋ قالالىق ءماسليحات دەپۋتاتى سۇڭعات قاناەۆ زياتكەرلىك, يننوۆاتسيالىق, ەڭبەك, شىعارماشىلىق الەۋەتىن دامىتۋ, ەۋرازيالىق كەڭىستىك ەلدەرى جاستارىنىڭ پروبلەمالارىن, سونداي-اق لەنينگراد وبلىسىنىڭ زاڭ شىعارۋشى جينالىسىنداعى ەۋرازيالىق ينتەگراتسيانىڭ ءتۇيىندى ماسەلەلەرىن تالقىلاۋعا قاتىسىپ, كوممۋنيكاتيۆتىك الاڭدى ۇيىمداستىرۋداعى جۇمىسپەن تانىسىپ قايتتى.
ساپار بارىسىندا قازاقستاننىڭ جاس كوشباسشىلار سانكت-پەتەربۋرگ قالاسىنداعى باس كونسۋل دميتري ميحنومەن كەزدەسىپ, ەكى ەل اراسىنداعى قارىم-قاتىناستار جانە جاستار تاقىرىبىندا اڭگىمە ءوربىتىپ, پىكىر الماستى. سونداي-اق وبلىستىق ءماسليحاتى توراعاسى جاڭبىرباي ماتاەۆتىڭ باستاماسىمەن جانە وبلىستىق ءماسليحات دەپۋتاتى قۋانىشباي وزعانباەۆتىڭ قارجىلىق دەمەۋشىلىگىمەن قازاق, ورىس, اعىلشىن تىلدەرىندە شىققان تاريح عىلىمدارىنىڭ دوكتورى, پروفەسسور ومىرزاق وزعانباەۆتىڭ «رەسەي مەملەكەتتىك دۋماسى جانە قازاقستان» اتتى كىتابىن سىيعا تارتتى.
بۇدان كەيىن گۇلمايسا شاڭباەۆا, ابزال مارات, سۇڭعات قاناەۆ حالىقارالىق دەڭگەيدە ۇيىمداستىرىلعان لەنينگراد وبلىسىنىڭ جاستار پارلامەنتىنىڭ اشىق وتىرىسىنا قاتىستى. كۇن تارتىبىندە جاستاردىڭ زياتكەرلىك, يننوۆاتسيالىق, ەڭبەك, شىعارماشىلىق الەۋەتىن دامىتۋ, ەۋرازيالىق كەڭىستىك ەلدەرى جاستارىنىڭ پروبلەمالارى تاقىرىبىندا بايانداما جاساپ, رەسەيلىك ارىپتەستەرىمەن سۇراق-جاۋاپ الماستى. ءوز كەزەگىندە ءسوز العان ماڭعىستاۋلىق دەلەگاتسيا مۇشەلەرى جاستار ساياساتى ماسەلەلەرىنە قاتىستى ءوزارا تاجىريبە الماسىپ, تىڭ يدەيالارىمەن ءبولىستى. ءسوز سوڭىندا ۇيىمداستىرۋشى تاراپتىڭ شاقىرتۋىنا العىسىن جەتكىزدى.
حالىقارالىق فورۋمنىڭ كەلەسى كۇنى دەلەگاتسيا مۇشەلەرى قالانىڭ كورنەكتى تاريحي جەرلەرىن ارالادى. ەكسكۋرتسيادا دۇنيە جۇزىندەگى ەڭ ءىرى كوركەمسۋرەت جانە تاريحي-مادەني «ەرميتاج» مۋزەيىنە, ورانيەنباۋمداعى ەڭ كونە عيمارات مەنشيكوۆ سارايىنا بارىپ, قالانىڭ تاريحى جانە مادەنيەتىمەن تانىستى. سونىمەن بىرگە نوۆوسەلە مادەني ورتالىعىنداعى شاعىن لەكتسيالاردى, ۇلكەن كونفەرەنتسيالاردى جانە ءارتۇرلى فورماتتاعى باسقا دا ءىس-شارانى وتكىزە الاتىنداي ەتىپ جابدىقتالعان «14+» كوۆوركينگ ورتالىعىنا بارىپ, جاستاردى جان-جاقتى دامىتۋعا ارنالعان باعدارلاما جوسپارىمەن تانىسۋعا مۇمكىندىك الدى. ال وسى ايدىڭ باسىندا ا.گەرتسەن اتىنداعى رەسەي مەملەكەتتىك پەداگوگيكالىق ۋنيۆەرسيتەتىندە «ەۋرازيالىق ونىنشى يننوۆاتسيالىق كونۆەنت» ءىس-شاراسى ءوتتى. جيىنعا ماڭعىستاۋ وبلىسىنان 18-35 جاس ارالىعىنداعى جاس كوشباسشىلار قاتىستى. كونۆەنتتىڭ جالپى وتىرىسىندا دەلەگاتسيا مۇشەلەرى ەۋرازيالىق كەڭىستىكتى دامىتۋ ماسەلەسى, جاستاردىڭ زياتكەرلىك, يننوۆاتسيالىق, ەڭبەك, شىعارماشىلىق الەۋەتىن دامىتۋ تاقىرىبىندا بايانداما جاساپ, قوزعالعان تاقىرىپتى بىرگە تالقىلادى.
ءىس-شارا سوڭىندا قاتىسۋشىلار تاجىريبەلەرىمەن بولىسۋگە مۇمكىندىك الىپ, لەنينگراد وبلىسىنىڭ زاڭ شىعارۋشى جينالىسىنا ريزاشىلىقتارىن جەتكىزدى. بۇدان كەيىن قازاقستاندىق دەلەگاتتار قالانىڭ ەڭ تانىمال كورنەكتى ورىندارىنىڭ ءبىرى – 1906 جىلدان باستاپ 1917 جىلعا دەيىن مەملەكەتتىك دۋما كەزدەسۋلەر وتكىزگەن تاۆريا سارايىنىڭ تاريحىمەن تانىستى. سونداي-اق تمد-عا قاتىسۋشى مەملەكەتتەردىڭ پارلامەنتارالىق اسسامبلەياسىنداعى پارلامەنتىنىڭ وكىلدىگى يگور مۋساليموۆ ارنايى قابىلداپ, حالىقارالىق ىنتىماقتاستىق جانە ءى-ءىى دۋماعا سايلانعان الاش دەپۋتاتتارى تاقىرىبىندا اڭگىمە ءوربىتتى.
