فوتو: ن.بايبۋلين.
قۇتتىقتاۋ سوزىندە ماۋلەن اشىمباەۆ جارىستىڭ جوعارى دەڭگەيدە وتكەنىن جانە ەرەكشە سپورتشىلاردىڭ شەبەرلىكتەرى مەن تاباندىلىقتارىن ايرىقشا اتاپ ءوتتى. سونداي-اق بوچچا فەدەراتسياسىنىڭ قىزمەتىن قورىتىندىلاپ, الداعى جۇمىس جوسپارىنا توقتالدى.
«الدىمىزدا اۋقىمدى مىندەتتەر تۇر. كەلەسى جىلى بىرقاتار ءىس-شارا ۇيىمداستىرۋدى جوسپارلاپ وتىرمىز. العاش رەت بوچچادان ۇلتتىق جاسوسپىرىمدەر قۇراماسىن جاساقتايمىز. تۋريزم جانە سپورت مينيسترلىگىنىڭ جانە دەمەۋشىلەردىڭ قولداۋىمەن كەلەسى جىلى ەل چەمپيوناتى, رەسپۋبليكا كۋبوگى, سۇلتانبەك ورىنباساروۆتى ەسكە الۋعا ارنالعان اشىق تۋرنير سياقتى از دەگەندە ءۇش ءىرى رەسپۋبليكالىق جارىس ۇيىمداستىرۋدى كوزدەپ وتىرمىز. ودان بولەك, ۇلتتىق قۇرامامىز بىرقاتار حالىقارالىق دودالارعا قاتىسادى», دەگەن ماۋلەن اشىمباەۆ جارىسقا قاتىسۋشىلارعا جانە پاراسپورتشىلارعا قولداۋ كورسەتكەن جاتتىقتىرۋشىلار مەن اتا-انالارعا العىس ءبىلدىردى.
ايتا كەتسەك, بوچچادان قر-نىڭ كۋبوگى ءۇشىن جارىس جەلتوقساننىڭ 8-9 كۇندەرى ءوتىپ, ەلوردادا ج.ۇشكەمپىروۆ اتىنداعى جەكپە-جەك سارايىندا ەلىمىزدىڭ 10 ءوڭىرىنىڭ 64 سپورتشىسى سايىستى.
