قازاقستاننىڭ ءبىرىنشى جانە الەمنىڭ ءتورتىنشى راكەتكاسى مول ولجاعا كەنەلگەن سپورتشىلاردىڭ رەيتينگىندە جەتىنشى ورىنعا تابان تىرەدى. ەلەنانىڭ بيىلعى تابىسى 9,5 ملن دوللاردى قۇراپ وتىر. ال باي-قۋاتتىلار تىزىمىندە اقش تەننيسشىسى كوري گاۋفف (22,7 ملن) كوش باستاسا, ەكىنشى جانە ءۇشىنشى ورىندى الەمنىڭ ءبىرىنشى راكەتكاسى, پولشالىق يگا شۆەنتەك (21,9 ملن) پەن قىتايلىق فريستايلشى ەيلين گۋ (20 ملن) يەلەندى. ودان كەيىنگى ساتىلارعا ۇلىبريتانيالىق ەمما رادۋكانۋ (16,2 ملن), جاپونيالىق ناومي وساكا (15 ملن), بەلارۋستىك ارينا سوبولەنكو (12,2 ملن) جانە امەريكالىق دجەسسيكا پەگۋلا (9 ملن) سىندى تەننيسشىلەر جايعاستى. ال وزىق وندىقتى اقش-تىڭ قوس سپورتشىسى – گيمناسشى سيمونا بايلز (8,5 ملن) بەن گولفشى نەللي كوردا (7,9 ملن) تۇيىندەدى.
