فوتو: ۆيدەوسكرين
دەپۋتاتتىڭ سوزىنشە مەملەكەت باسشىسى 2021 جىلى شەتەلدىك ينۆەستورلار كەڭەسىنىڭ پلەنارلىق وتىرىسىندا وزىق تەحنولوگيالى حالىقارالىق كومپانيالاردا جۇمىس ىستەگەن تاجىريبەلى وتانداستارىمىزدى تارتۋ باعدارلاماسىن ىسكە قوسۋ جونىندەگى كيپيەمدجي (KPMG) كومپانياسىنىڭ باستاماسىن قولداۋعا ۇكىمەتتى شاقىرعان. «اقجول» پارتياسى تولىق قولداپ, سول جىلعى 30 جەلتوقساندا پرەزيدەنت تاپسىرماسىنىڭ ورىندالۋ بارىسى تۋرالى ۇكىمەتكە ساۋال جولداعان, الايدا ساۋالداعى ناقتى سۇراققا ناقتى جاۋاپ الا الماعان.
ەرجان بەيسەنباەۆتىڭ ساۋالىنشا قازىرگى كەزدە قازاقستاننان ءبىلىمدارلاردىڭ كەتۋى ۇلكەن پروبلەماعا اينالىپ وتىر. شەتەلدەردىڭ جوو-لارىندا ءبىلىم الىپ مىقتى مامان بولىپ شىققان دارىندى جاستارىمىزدى سول ەلدىڭ كومپانيالارى تۇراقتى جۇمىس ورنىمەن, ۇلكەن ەڭبەك اقىمەن, الەۋمەتتىك پاكەتپەن قىزىقتىرىپ, وزدەرىندە قالدىرۋعا تىرىسادى.
«مىسالى رەسەي ۋنيۆەرسيتەتتەرى مەن كوللەدجدەرىندە قازاقستان مەكتەپتەرىنىڭ 70 مىڭداي تۇلەكتەرى بار ەكەن. بۇنىڭ باستى سەبەبى قازاق تالاپكەرلەرىن ۇبت-ىلەۋسىز قابىلداپ, گرانت, ستيپەنديا, جاتاقحانا, تامامداعاننان كەيىن جۇمىس ورنىن ۇسىناتىندىعى ءتىپتى ازاماتتىق بەرەتىندىگى جاسىرىن ەمەس. كوپتەگەن قازاق جاستارى بۇعان قىزىعۋشىلىق تانىتىپ ءجۇر. ويتكەنى ۇبت تاپسىرۋدىڭ ءوزى قانشاما جىلدار بويى ناعىز سترەسسكە اينالىپ كەتتى. كۇن-ءتۇن دايىندالىپ, ناتيجەسىندە ءتيىستى بالل الا الماعان وقۋشىلاردىڭ سۋيتسيدكە دەيىن بارعان فاكتىلەرى دە بولعان. كورشىلەس ەلگە زەيىن قويىپ وتتىرعانىمىز, ءجۇرىپ جاتقان سوعىس سالدارىنان دەموگرافيالىق جانە جۇمىس كۇشى پروبلەمالارىن شەشۋ ءۇشىن رەسەي قازاقستان جاستارىن وزىڭدە قالدىرۋعا مۇددەلى جانە بۇل باعىتتا بارىنشا جاعداي جاساۋى ابدەن مۇمكىن, بۇل دەگەنىمىز – جۇمىس ورنىمەن قامتۋدان باستاپ لايىقتى جالاقى, باسپانا بەرۋ ت.ب. سول سياقتى ارەكەتتەر», دەدى دەپۋتات.
وسى ورايدا «اقجول» پارتياسى دەپۋتاتتارى اتىنان ە.بەيسەنباەۆ ناقتى سۇراقتاردى العا تارتتى.
«ۇكىمەت پرەزيدەنتتىڭ تاپسىرماسىن ورىنداۋ بارىسىندا مىقتى حالىقارالىق تەحنولوگيالىق كومپانيالاردىڭ وتانداستارىمىزدى قايتارۋ جونىندەگى باعدارلاماسىن قابىلدادى ما؟ جانە سول بويىنشا دارىندى جاستارىمىزعا قانداي جاعداي جاسالعان, قانداي كومپانيالاردان قانشا جاس ەلگە ورالعاندىعى جونىندە اقپارات بەرۋدى سۇرايمىز. رەسەي تاجىريبەسىن پايدالانا وتىرىپ, دارىندى جاستاردى قازاقستان ۋنيۆەرسيتەتتەرىنە ۇبت تاپسىرتپاي, باسقا جولمەن قابىلداۋعا رۇقسات بەرۋدى ۇسىنامىز. رەسەي نەمەسە باسقا شەتەلدىك ۋنيۆەرسيتەتتەردەن تۇلەكتەردى اكەلۋ عانا ەمەس, ءوزىمىزدىڭ جاستاردى جۇمىسپەن, باسپانامەن قامتۋ ماسەلەلەرى بويىنشا قانداي ءىس-شارالار جۇرگىزىلىپ جاتىر», دەگەن سۇراقتارمەن ءسوزىن ءتامامدادى دەپۋتات ە.بەيسەنباەۆ.
