مۋزىكالىق قويىلىم قازاقستاننىڭ ازەربايجانداعى مادەنيەت كۇندەرى اياسىندا ەكى ەلدىڭ مادەنيەت مينيسترلىكتەرىنىڭ كومەگىمەن ۇيىمداستىرىلدى.
«بۇل باكۋدە ءبىرىنشى رەت ۇيىمداستىرىلىپ جاتقان جوق, بىراق ءبىز بۇگىن وسى جەردەن تابىلعانىمىزعا وتە قۋانىشتىمىز. شەتەلدىك قالالاردىڭ ىشىندە بىزگە بارىنەن دە باكۋ ۇنايدى, ويتكەنى مۇنداعى ادامدار وتە مەيىرىمدى جانە قوناقجاي. ەكىنشىدەن, ونىڭ تاريحى وتە باي, قالا جاسىل جانە جاڭا», دەدى انسامبل جەتەكشىسى ەرجان جامەنكەەۆ قۇتتىقتاۋىندا.
ونىڭ ايتۋىنشا, بۇگىن ءانسامبلدىڭ ەڭ تانىمال جانە ۇزدىك شىعارمالارى ورىندالادى. ء«بىز قازاقتىڭ 30-دان استام ۇلتتىق اسپابىن كورسەتەمىز. ولار وسىندا ونەرپاز بەس ادامعا تيەسىلى. ءبىز كورەرمەندى جانە ازەربايجان حالقىن قۋانتۋعا تىرىسامىز», دەدى ول.
ە.جامەنكەەۆ انسامبل سوليستەرىنىڭ ارقايسىسى 10 جانە ودان دا كوپ اسپاپتا وينايتىنىن ايتتى. ولاردىڭ كەيبىرەۋلەرى قايتا جاڭعىرىپ, ءوز بەتىنشە قولدانىسقا ەنگىزىلدى. ء«وز سالامىزدىڭ كاسىبي مامانى بولۋدى ارماندايمىز, ونىڭ كومەگىمەن مۋزىكا مادەنيەتىن ناسيحاتتايمىز. قازىرگى ۋاقىتتا ءبىز تۋىندىلارىمىزدى بالەت, وپەرا سياقتى باسقا جانرلارمەن, سونداي-اق سيمفونيالىق جانە حالىق وركەسترلەرىمەن بىرلەسىپ جاساپ كەلەمىز. تاقىرىپقا قاراي شىعارمالارىمىزدا تۇركى, يران, وزبەك, قىتاي موتيۆتەرىن دە قولدانامىز», دەيدى ە.جامەنكەەۆ.
ول كەلەسى جىلى ءانسامبلدىڭ الماتىدا ۇلكەن جەكە كونتسەرتىن وتكىزۋدى جوسپارلاپ وتىرعانىن جەتكىزدى.
