مەملەكەت باسشىسىنىڭ تاپسىرماسىمەن ءىىم جانە جەرگىلىكتى اكىمدىكتىڭ قولداۋىمەن وڭىرلiك پوليتسيا قىزمەتى جىل باسىنان بەرى 59 قىزمەتتىك اۆتوكولىكپەن تولىققان. ونىڭ ىشىندە, رەسپۋبليكا بويىنشا ءبىرىنشى بولىپ قازىرگى زامان تالاپتارىنا ساي, قورشاعان ورتاعا زالالسىز, وتاندىق وندiرiستە جاسالعان 25 دانا ەلەكتروموبيل الىنىپ وتىر.
ءتارتىپ ساقشىلارىنا بەرىلگەن تەمىر تۇلپارلار زاماناۋي قۇرالدارمەن جابدىقتالعان. دىبىس كۇشەيتكىش قوندىرعىسى مەن راتسياسى بار. GPS جۇيەسى ارقىلى كولىكتەردىڭ قاي باعىتتا جۇرگەنى ورتالىقتان باقىلانادى.
Iس-شارا بارىسىندا دەپارتامەنت باسشىسى, پوليتسيا گەنەرال-مايورى ارمانبەك بايمۋرزين پوليتسيا قىزمەتiنiڭ جۇمىسىن ارتتىرۋ ماقساتىندا تيiمدi شارالار قابىلدانعانىن اتاپ ءوتتى. «پوليتسيا قىزمەتكەرلەرىن ماتەريالدىق-تەحنيكالىق جابدىقتاۋ قىلمىستىڭ سانىن ازايتۋعا سەپتىگىن تيگىزەتىنى ءسوزسىز. وسى رەتتە پوليتسيا جۇمىسىن جانداندىرۋ باعىتىنداعى ارiپتەستiك قولداۋى ءۇشىن وبلىس اكىمدiگiنە العىسىمدى بiلدiرەمiن. بiزدiڭ پوليتسيا قىزمەتكەرلەرى بار مۇمكىندىكتi پايدالانا وتىرىپ, اۋماقتاعى ءتارتىپ پەن قاۋىپسىزدىكتi قامتاماسىز ەتۋدە ايانباي قىزمەت ەتىپ كەلەدى. سەرۆيستىك پوليتسيانى جۇزەگە اسىرىپ, جۇرتقا جاقىن بولۋ ماقساتىنداعى جۇمىستار ودان ءارى جانداناتىن بولادى», دەدى ول.
سالتاناتتى ءراسىم جەكە قۇرامنىڭ جاڭا اۆتوكولىكتەردەگi ساپتىق شەرۋىمەن اياقتالدى.
2020-2023 جىلدارى پوليتسيا قىزمەتكەرلەرىنىڭ يگىلىگى ءۇشىن جالپى سانى 309 اۆتوكولىك ساتىپ الىنىپتى. بۇل البەتتە, از ەمەس. ال بيىل بەرىلگەن 59 قىزمەتتىك اۆتوكولىكتىڭ 25-ءسى قازاقستاندا جاسالعان ەلەكتروموبيل. وسى تۇرعىدان كەلگەندە جامبىلدىق ءتارتىپ ساقشىلارى ەلىمىز بويىنشا ءبىرىنشى بولىپ ەلەكتروموبيل ءمىنىپ وتىرعانىن ايتا كەتكەن ءجون.
