«پرەزيدەنت تاپسىرماسى بويىنشا بيىل ماۋسىم ايىندا ورنىقتى دامۋ سالاسىنداعى ۇلتتىق ماقساتتارى مەن مىندەتتەرىنىڭ ىسكە اسىرىلۋىنا مونيتورينگ جۇرگىزۋ جونىندەگى پارلامەنتتىك كوميسسيا قۇرىلدى. كوميسسيانىڭ جۇمىسىنا ساراپشىلار جانە ازاماتتىق قوعام وكىلدەرى بەلسەندى قاتىسىپ كەلەدى. ورنىقتى دامۋ ماقساتتارىن ىسكە اسىرۋدىڭ جانە ينديكاتورلاردىڭ ۇلتتىق جۇيەسىن جانداندىرۋدىڭ ءتيىمدى تاسىلدەرى قالىپتاسىپ جاتىر. الەمدىك تاجىريبە كورسەتكەندەي, ورنىقتى دامۋ ماقساتتارىن ەل دەڭگەيىندە ساپالى ىسكە اسىرۋ پارلامەنتتىڭ وسى باعىتتاعى كۇن تارتىبىنە ەرەكشە كوڭىل بولۋىنە بايلانىستى بولىپ وتىر. بۇل رەتتە قازاقستان مەن وزبەكستان ءوزارا ءىس-قيمىلدى ارتتىرىپ, ورنىقتى دامۋ ماقساتتارىنىڭ ىسكە اسىرىلۋىنا پارلامەنتتىك باقىلاۋ جۇرگىزۋ بويىنشا تاجىريبە الماسۋعا مول مۇمكىندىك بار», دەدى ماۋلەن اشىمباەۆ.
ءوز كەزەگىندە تانزيلا نارباەۆا ەلىمىزدە جۇرگىزىلىپ جاتقان ساياسي جانە الەۋمەتتىك-ەكونوميكالىق رەفورمالاردى جوعارى باعالادى. سونداي-اق ول قازاقستاننىڭ ورنىقتى دامۋ ماقساتتارىنا قول جەتكىزۋ جولىنداعى ۇستانىمىنىڭ ماڭىزدىلىعىنا نازار اۋداردى. وزبەكستان ولي ءماجليسى سەناتىنىڭ توراعاسى بىرلەسىپ ارەكەت ەتۋدىڭ بەرەرى مول ەكەنىن ايتا كەلە, ءتۇرلى سالا بويىنشا ورتاق جوبالاردى ىسكە اسىرۋعا دايىن ەكەنىن جەتكىزدى.
كەزدەسۋ بارىسىندا تاراپتار جاقىندا استانادا وتكەن ورتالىق ازيا ەلدەرىنىڭ الەۋمەتتىك كاسىپكەرلىكتى دامىتۋ جونىندەگى العاشقى قۇرىلتايىنا دا نازار اۋدارىپ, ونىڭ قورىتىندىسى بويىنشا ازىرلەنگەن ۇسىنىمدار اياسىندا الەۋمەتتىك كاسىپكەرلىكتى دامىتۋ پەرسپەكتيۆالارىن تالقىلادى. ماۋلەن اشىمباەۆ ارىپتەسىن پالاتانىڭ وسى باعىتتاعى جۇمىسىمەن تانىستىرىپ, قۇرىلتاي ورتالىق ازيانىڭ الەۋمەتتىك كاسىپكەرلەرىنىڭ جەمىستى ىنتىماقتاستىعى ءۇشىن تۇراقتى جانە ءتيىمدى الاڭ بولاتىنىنا سەنىم ءبىلدىردى.
