ۆەدومستۆو مالىمەتىنشە, تەكسەرۋ قورىتىندىسى بويىنشا «ەير استانا» اۋەكومپانياسى الماتى قالاسىنىڭ اكىمشىلىك قۇقىق بۇزۋشىلىقتار جونىندەگى مامانداندىرىلعان اۋدانارالىق سوتىنىڭ شەشىمىمەن جانارماي الىمىن نەگىزسىز قولدانۋدا كورسەتىلگەن ۇستەم/مونوپوليالىق ەرەجەنى تەرىس پايدالانعانى ءۇشىن 876 ملن تەڭگەدەن استام سوماعا اكىمشىلىك جاۋاپكەرشىلىككە تارتىلدى.
«ۇشاق بيلەتتەرىن ۇشۋ كۇنى نەمەسە تاياۋ كۇندەردە ساتىپ العان كەزدە ەير استانا جولاۋشىلاردىڭ بارلىق ساناتىنان 3500-دەن 6500 تەڭگەگە دەيىنگى مولشەردە جانارماي الىمىن نەگىزسىز الىپ, ونى قولدانۋدىڭ ماقساتى مەن قاعيداتىن ءىس جۇزىندە ءوز قالاۋىنشا رەتتەگەنى انىقتالدى», دەلىنگەن اگەنتتىك حابارلاماسىندا.
ايتا كەتسەك, وتىن الىمى تاسىمالداۋعا ارنالعان ءتاريفتىڭ قولدانىلۋ كەزەڭىندە اۆياوتىنعا جۇمسالاتىن شىعىنداردىڭ ءوسۋىن وتەۋ ماقساتىندا عانا الىنۋى مۇمكىن, ونى ەسەپتەۋ كەزىندە بۇل ءوسىمدى ەسكەرۋ مۇمكىن بولماعان.
«ەير استانا» اۆياكومپانياسى مەن اگەنتتىك اراسىندا ىشكى باعىتتار بويىنشا مونوپوليالىق/ۇستەم باعىتتارداعى باعانى تەجەۋگە باعىتتالعان, اتاپ ايتقاندا تومەندەگى مىندەتتەردى كوزدەيتىن مونوپولياعا قارسى كومپلاەنس جاسالدى:
- بىرىنشىدەن, 2023 جىلعى 6 جەلتوقساننان باستاپ جانارمايعا قوسىمشا اقى قولدانۋدى الىپ تاستاۋ (ۇشۋ كۇنىنە قاراماستان 2023 جىلعى 6 جەلتوقسانعا دەيىن جانارمايعا ۇستەمە اقى تولەنىپ ساتىلعان بيلەتتەرگە قولدانىلمايدى). ماسەلەن, استانا-الماتى باعىتىنداعى بيلەتتىڭ ورتاشا باعاسى اعىمداعى باعانىڭ ورنىنا 28 435 تەڭگەدەن 24 435 تەڭگە بولادى (باعانىڭ تومەندەۋى 14%), الماتى-اقتاۋ باعىتىندا ورتاشا باعا قازىرگى 37 568 تەڭگەنىڭ ورنىنا 31 078 تەڭگەنى قۇرايدى (باعانىڭ 17%-عا تومەندەۋ);
- ەكىنشىدەن, 2024 جىلدىڭ سوڭىنا دەيىن ىشكى باعىتتار بويىنشا جولاۋشىلاردى اۆياتاسىمالداۋ قىزمەتتەرىنىڭ باعاسىن كوتەرۋدى شەكتەۋ;
- ۇشىنشىدەن, وسى جىلى جانە 2024 جىلعى 31 جەلتوقسانعا دەيىن AirAstana ورتاشا جانە تومەن باعامەن ساتىلاتىن بيلەتتەرىنىڭ سانى 70%-دان (ياعني, Y, B, H برونداۋ كلاسىنىڭ تاريفتەرى بويىنشا تەك 30%) تومەن بولماۋى ءتيىس.
سونداي-اق باسەكەلەستىكتى قورعاۋ اگەنتتىگى كەلەسى جۇيەلى شارالارعا باستاماشىلىق جاسايدى:
- اگەنتتىكتىڭ باستاماسىمەن كولىك مينيسترلىگى «اۋا ەركىندىگىنىڭ» 5-ءشى دارەجەسىنە قولجەتىمدىلىكتى كەڭەيتۋ ماقساتىندا شەتەلدىك تاسىمالداۋشىلاردىڭ وتاندىق اۆياكومپانيالارمەن قاتار جەكەلەگەن اۋەجايلاردا مارشرۋتتار بويىنشا ۇشۋلاردى جۇزەگە اسىرۋ مۇمكىندىگىن كەڭەيتەتىن شارالار قابىلدادى. بۇل شەتەلدىك اۆياكومپانيالاردىڭ كەلۋىن ىنتالاندىرۋعا مۇمكىندىك بەرەدى, باسەكەلەستىككە وڭ اسەر ەتەدى جانە تۇتىنۋشىلاردىڭ تاڭداۋىن ارتتىرادى;
- اگەنتتىك جانارماي الىمىن الۋدى توقتاتۋدى كوزدەيتىن زاڭناماعا تۇزەتۋلەر ەنگىزۋگە باستاماشىلىق جاسادى.
