دەپۋتاتتىڭ ايتۋىنشا تەحنولوگيا العا وزعان سايىن, بالالارىمىز سالت-سانامىزدان الىستاپ بارادى. بالالارعا ۇلگى رەتىندە ۇلتتىق فولكلور كەيىپكەرلەرىنە نەگىزدەلگەن بەينەلەردى بەلسەندى تۇردە قالىپتاستىرىپ, ناسيحاتتاۋ قاجەت.
بالالارعا ارنالعان ۇلتتىق ساپالى شىعارما-تۋىندىلار توپتاماسىنىڭ جەتىسپەۋشىلىگى دە بايقالىپ وتىرعانىن ايتقان سەناتور بالالار تەاترلارىنىڭ ازدىعىنا جانە ولاردىڭ رەپەرتۋارىندا ۇلتتىق فولكلورعا نەگىزدەلگەن قازاق تىلىندەگى قويىلىمدارىنىڭ جوقتىعىنا دا توقتالدى.
«بىرەن-ساران قويىلىمداردىڭ ءوزى ەسكىرگەن, تارتىمدىلىعى از. وسى رەتتە وقۋ ورىندارىن اياقتاپ جاتقان جاس رەجيسسەرلار, دراماتۋرگتەر, كرەاتيۆتى يندۋستريا وكىلدەرى وتاندىق بالالار دراماتۋرگياسىنا باسا نازار اۋدارعانى ءجون. ادەبيەتىمىزدە, فولكلورىمىزدا تاقىرىپ تا, مازمۇن دا, كونتەنت تە ابدەن جەتكىلىكتى. تەك ونى زاماناۋي فورماتتا كوپشىلىككە جەتكىزۋ قاجەت», دەدى سەناتور ر.رۇستەموۆ.
دەپۋتات وسىعان بايلانىستى ۇكىمەت باسشىسىنا ۇلتتىق كونتەنتتى قالىپتاستىرۋ ماسەلەلەرىنە ستراتەگيالىق تۇرعىدا ءمان بەرۋدى, سونداي-اق تەاترلار قۇرىلىسىن سالۋ مەن بالالار مۇراجايىنىڭ اشىلۋىنا قولداۋ جاساۋدى ۇسىندى, ايتۋىنشا, الەمدەگى دامىعان ەلدەر بالالار مۋزەيى سالاسىن قۇندىلىقتى دارىپتەۋدىڭ كەشەندى قۇرالىنا اينالدىرعان.
