فوتو: Ortcom.kz
ءمينيستردىڭ ايتۋىنشا, سوڭعى كەزدە رەسپۋبليكا بويىنشا قىزىلشامەن اۋىرعاندار سانى ارتىپ كەلەدى. قازىر ەپيدەميالىق جاعداي تۇراقسىز.
«ەلىمىزدە قىزىلشانىڭ 17 مىڭنان استام جاعدايى تىركەلگەن, ونىڭ 82%-دان استامى بالالارعا تيەسىلى. بالالاردىڭ 83%-ى ەكپە الماعان. بۇل رەتتە, بالالاردىڭ 60%-ى ەكپەدەن باس تارتقان. قالعان بالالار ەگۋ جاسىنا جەتپەۋىنە بايلانىستى جانە مەديتسينالىق كورسەتىلىمدەر بويىنشا ۆاكتسينا الماعان. قىزىلشا اۋرۋى بارلىق وڭىردە تىركەلدى. سونىڭ ىشىندە شىمكەنت, الماتى قالالارىندا, جامبىل, الماتى, ماڭعىستاۋ, اقتوبە, قىزىلوردا جانە اتىراۋ وبلىستارىندا ءورشىپ تۇر», دەدى مينيستر.
