اۆتور تاۋەلسىزدىك ءوزى ءۇشىن 1986 جىلدان باستالعانىن جازادى. اۋەلدە الاڭعا "نە بولىپ جاتىر ەكەن" دەگەن اۋەستىكپەن بارعانىن دا جاسىرمايدى.
"رەپەتيتسيادان كەيىن, بۇكىل قالانى شۋلاتىپ بارا جاتقان نە جاعداي ەكەنىن كورەيىن دەگەن نيەت بولدى. ارينە, جالعىز ەمەسپىن. ء"جۇز ەستىگەننەن ءبىر رەت كورگەن ارتىق" دەيدى عوي قازاق. سول كورگەننەن باستالدى تاۋەلسىزدىك.
سول الاڭدا باس تا جارىلدى, باسقا دا جارىلدى. بۇكىل ءومىرىم قاق جارىلعانداي بولدى. وقىدىم, ەڭبەك ەتتىم, اتاق الدىم. مەنىڭ كەڭەس وكىمەتىنە وكپەم بولماۋى كەرەك. بىراق, سول باسىما تيگەن تاياق قوعامنىڭ بولمىسىن كورسەتتى. اركىمنىڭ باسىنا ءبىر تاياق ءتونىپ تۇرادى ەكەن, تەك ول بىرەۋگە تيەدى, بىرەۋگە تيمەيدى. وسىنى ءتۇسىندىم", دەگەن ونەر قايراتكەرى.
ول مۇنى – تاعدىردىڭ ىسىنە بالايدى. تاعدىرعا اتاعىڭ دا, اقشاڭ دا, بەدەلىڭ دە تۇك ىستەي المايدى دەگەن پايىم جاسايدى.
ء"بىر-اق ساتتە بارىنەن ايىرىلىپ, جۇمىسسىز قالدىم, عازيزادان جانە ايىرىلدىم. جالعىز قالدىم. سول كەزدە مەنى قورعاپ, ءتيىستى جەرلەرگە ءبىر اۋىز ءسوز ايتپادى دەپ قالتاي, ءابدىجامىل, زەينوللاعا, ءتىپتى ساكەن ءجۇنىسوۆ پەن اكىم تارازيلەرگە وكپەلەدىم دە. ويتكەنى مەن بيلىگىم, بىلىگىم جەتكەنشە ولاردىڭ پەساسىن ساحناعا شىعاردىم, ەلگە تانىلۋعا كومەكتەستىم, وكپەلەۋگە قۇقىم بار دەپ ويلايمىن.
ەستەلىكتە سول تۇستا تەاتر ەكىگە جارىلىپ, كەشە عانا "ازەكەلەپ" سوڭىندا جۇرگەندەر ساتىپ كەتكەندە, قاتتى كۇيىنگەنىن ايتادى رەجيسسەر.
"سەبەبى – ولاردىڭ قالىپتاسۋىنا, وسۋىنە, اتاق الۋىنا, تۇرمىسىنىڭ تۇزەلۋىنە جاعداي جاساعان ەدىم. ولار مەنىڭ جاعدايىمدى نەگە تۇسىنبەيدى دەپ وكپەلەۋگە حاقىم بار ما؟ ءبىز بارلىق ماسەلەنى بىرگە تالقىلايتىنبىز, اقىلداسىپ شەشەتىنبىز. ءسويتىپ سەنگەن ادامدارىم...
ءاي, قويشى سولاردى!.." دەيدى ازىربايجان مامبەتوۆ
ايتا كەتەيىك, بۇگىندە قوعام قايراتكەرىنىڭ اتىندا استانا قالاسىندا جاستار تەاترى بار. ءازىربايجان مامبەتوۆ 1932 جىلى دۇنيەگە كەلگەن, 2009 جىلى ومىردەن وزدى.
