فوتو: سەنات
پالاتا سپيكەرى توگو رەسپۋبليكاسى قازاقستاننىڭ باتىس افريكاداعى ماڭىزدى جانە پەرسپەكتيۆالى سەرىكتەستەرىنىڭ ءبىرى ەكەنىن اتاپ ءوتتى. سونداي-اق ول پارلامەنتارالىق دەڭگەيدە, ونىڭ ىشىندە حالىقارالىق ۇيىمدار اياسىندا ءوزارا بايلانىستى نىعايتۋدىڭ ءمانى زور ەكەنىنە نازار اۋداردى.
«ەكىجاقتى قارىم-قاتىناسىمىزدا پارلامەنتارالىق ىنتىماقتاستىق ماڭىزدى ءرول اتقارادى. ءبىز توگو ۇلتتىق اسسامبلەياسىمەن ديالوگ ورناتۋعا مۇددەلىمىز. زاڭ شىعارۋ ورگاندارىندا ءتيىستى دوستىق توپتارىن قۇرۋ – وسى باعىتتاعى العاشقى قادام بولارى انىق. دەپۋتاتتارىمىزدىڭ پارلامەنتارالىق وداق جانە باسقا دا حالىقارالىق الاڭدار ارقىلى بايلانىس ورناتۋعا مول مۇمكىندىگى بار. ءسىزدىڭ قازاقستانعا ساپارىڭىز ەكى ەلدىڭ پارلامەنتارالىق ىنتىماقتاستىعىن دامىتۋدىڭ نەگىزىن قالايدى دەپ سەنەمىن», دەدى ماۋلەن اشىمباەۆ.
كەزدەسۋ كەزىندە تاراپتار حالىقارالىق جانە وڭىرلىك كۇن تارتىبىندەگى ماسەلەلەرگە دە توقتالدى.
سونىمەن قاتار سەنات سپيكەرى ەلىمىزدە مەملەكەت باسشىسىنىڭ باستاماسىمەن قولعا الىنعان رەفورمالاردى ىسكە اسىرۋ جولىندا پالاتا اتقارىپ وتىرعان زاڭ شىعارۋ جۇمىسىنا نازار اۋداردى.
ءوز كەزەگىندە توگو رەسپۋبليكاسىنىڭ پرەزيدەنتى فور ەسسوزيمنا گناسسينگبە قازاقستاندا جۇرگىزىلىپ جاتقان رەفورمالاردى جوعارى باعالاپ, بارلىق باعىت بويىنشا ىنتىماقتاستىقتى ودان ءارى نىعايتۋعا جانە كەڭەيتۋگە مۇددەلى ەكەنىن جەتكىزدى.
