سۋرەتتى تۇسىرگەن مەرەي قاينار ۇلى
مۇندا قىسقا مەرزىم ىشىندە بارلىق مەحانيزمدەر مەن قازاندىق اگرەگاتتارىنا اۋقىمدى قايتا قۇرۋ جۇرگىزىلدى.
«ريددەر بۇگىندە جىلۋمەن, ىستىق سۋمەن جانە ەلەكتر ەنەرگياسىمەن قامتاماسىز ەتىلگەن. ىشكى جۇمىستاردان باسقا, جىلۋ جەلىلەرىنىڭ جەكەلەگەن ۋچاسكەلەرى اۋىستىرىلدى. جوندەۋ جۇمىستارى ءىس جۇزىندە اياقتالدى», دەدى شىعىس قازاقستان وبلىسىنىڭ اكىمى ەرمەك كوشەرباەۆ.
ءوڭىر باسشىسى جاڭا جابدىقتار مەن ترانسفورماتورلار ورناتىلعانىنا نازار اۋداردى. 50 جىلدان استام ۋاقىت قىزمەت ەتكەن ەسكى جابدىقتاردىڭ ءبىر بولىگى جاڭاسىنا اۋىستىرىلدى.
قىس مەزگىلىندە تولىققاندى جۇمىس ىستەۋ ءۇشىن ورتاشا قىسىمدى ەكى جانە جوعارى قىسىمدى ەكى قازاندىقتىڭ جۇمىس ىستەۋى جەتكىلىكتى. قالعان قازاندىق اگرەگاتتارى رەزەرۆتە بولادى.
جوعارى قىسىمدى ەكى قازاندىق (№ 4 جانە № 6) ىسكە قوسۋ-رەتتەۋ جۇمىستارىنا دايىن. قالعان قازاندىقتار بويىنشا بارلىق جۇمىس جەلتوقساننىڭ ورتاسىنا دەيىن اياقتالادى.
نىساندا 16 مەردىگەرلىك ۇيىم, ونىڭ ىشىندە جەو قىزمەتكەرلەرى, قازمىرىش جانە وسكەمەن جىلۋ جەلىلەرىنىڭ ماماندارى جوندەۋ جۇمىستارىن جالعاستىرىپ جاتىر.
ستانتسيادا 338 توننا مازۋت پەن 11 492 مىڭ توننا كومىر بار.
