اشىق دەرەككوز
سەمەي قالاسىنداعى گارنيزوندىق وفيتسەرلەر ۇيىندە وتكەن شارادا جاس اسكەري ماماندار ويىن, ءان, بي ارقىلى كۇزگى مەرەكەلىك كوڭىل-كۇيلەرىن كوتەرىپ, تانىستىرىلىم مەن ءسان بايقاۋىندا سىنعا ءتۇستى. ناقتىلاپ ايتساق, ءوزىن تانىستىرۋ, ونەر سايىسى, جۇپتار اراسىنداعى ويىن, سۇراق-جاۋاپ, وزىندىك شىعارماشىلىق دايىندىق جانە ءۇي تاپسىرماسى سياقتى التى كەزەڭ بويىنشا ءوز مۇمكىندىكتەرىن كورسەتتى.
اسكەري ءبولىمىنىڭ كومانديرى, پودپولكوۆنيك قانات تانيبەرگەنوۆتىڭ ايتۋىنشا, جىل سايىن ۇيىمداستىرىلاتىن بالدىڭ اۋقىمى دا كەڭەيىپ كەلەدى.
- التىن كۇز مەرەكەسى جىل سايىن ۇيىمداستىرىلىپ وتىر. مۇنداعى باستى ماقسات – اسكەري ءبولىمنىڭ جەكە قۇرامى مەن ولاردىڭ وتباسىلارىنا كوتەرىڭكى كوڭىل كۇي سىيلاۋ. وتباسىلىق قارىم-قاتىناستى ارتتىرۋ. بايقاۋدا اسكەري قىزمەتشىلەر ءوز ونەرلەرىمەن قاتار بىلىمدەرىن دە ورتاعا سالدى. ءداستۇرلى شارانى الداعى ۋاقىتتا دا جوعارى دەڭگەيدە, جاڭا فورماتتا وتكىزەتىن بولامىز, - دەيدى پودپولكوۆنيك ق. تانيبەرگەنوۆ.
ادىلقازىلار قاتىسۋشىلاردىڭ ونەرى مەن ءار كەزەڭ بويىنشا جيناعان ۇپاي سانىمەن جەڭىمپازداردى انىقتادى. وسىلايشا تارتىستى دا كوڭىلدى وتكەن بايقاۋدىڭ قورىتىندىسى بويىنشا ءادىل-قازىلاردىڭ شەشىمىمەن, تالانت مازاقوۆ پەن اسەم الىمبەكوۆا كۇز حانشايىمى مەن حانزاداسى اتاندى.
