اشىق دەرەككوز
بيىلعى جىلى اباي ۋنيۆەرسيتەتىنىڭ جەتى جاس زەرتتەۋشىسى – لايسحانوۆ شاحيسلام, ساپارعاليەۆا بايان, سەيىلحان اينۇر, سەرىكوۆا سامال, بايكۋلوۆا ايگەرىم, مولداعالي باقىتگۇل جانە اكيمبەكوۆا شىرىن – پوستدوكتورانتۋرانى ءساتتى اياقتاپ, وقۋدى اياقتاعانى تۋرالى كۋالىكتەرىن الدى.
پوستدوكتورانتۋرا باعدارلاماسى اياسىندا ولار ۇلكەن جەتىستىكتەرگە جەتتى: ءبىر پوستدوكتورانت «قر جوعارى وقۋ ورنىنىڭ ۇزدىك وقىتۋشىسى», ەكەۋى تالانتتى جاس عالىمدارعا ارنالعان مەملەكەتتىك ستيپەنديا يەگەرى جانە بىرەۋى «بولاشاق» باعدارلاماسىنىڭ ستيپەندياتى اتاندى. ءۇش جىلدىڭ ىشىندە پوستدوكتورانتتار Scopus جانە WoS بازاسىنىڭ رەتسەنزيالاناتىن جۋرنالدارىندا 55 ماقالا جاريالادى, ونىڭ ىشىندە سiteScore بويىنشا جوعارى پروتسەنتيلدى جۋرنالداردا 29 جاريالانىم (پروتسەنتيل 50-دەن كەم ەمەس جانە Q1, Q2-دەن كەم ەمەس) جانە قر عجبم عجبسسقك ۇسىنعان جۋرنالداردا 81 ماقالا جاريالاندى. پوستدوكتورانتۋرا باعدارلاما تۇلەكتەرىنىڭ قاتارىندا قر عجبم قارجىلاندىراتىن عىلىمي جوبالاردىڭ, سونداي-اق حالىقارالىق جوبالاردىڭ جەتەكشىلەرى بار. بۇل ناتيجەلەر ۋنيۆەرسيتەتتىڭ زەرتتەۋ الەۋەتىن, سونداي-اق ونىڭ الەمدىك رەيتينگتەردەگى كورسەتكىشتەرىن ارتتىرۋعا وڭ اسەر ەتەدى.
اباي ۋنيۆەرسيتەتىنىڭ پوستدوكتورانتۋرا باعدارلاماسى جاس زەرتتەۋشىلەرگە ءتيىمدى قولداۋ كورسەتىپ, ولاردىڭ كاسىبي وسۋىنە جانە عىلىمي قۇزىرەتتىلىگىن كەڭەيتۋگە ىقپال ەتەدى. بۇل باستاما عالىمداردىڭ تەك قازاقستاندا عانا ەمەس, حالىقارالىق كەڭىستىكتە دە مانساپتىق ءوسۋىن قالىپتاستىرۋدا ماڭىزدى ءرول اتقارادى.
