جۇكتىلىك مەرزىمى جەتى ايعا جەتكەن 24 جاستاعى ايەل الەۋمەتتىك جەلىدە ءالى دۇنيەگە كەلمەگەن بالاسىن ساتۋ تۋرالى حابارلاما قالدىرعان.
پوليتسەيلەر ونى 22 قاراشا كۇنى قاراساي اۋدانىندا ۇستاعان.
«اتالعان دەرەك قر قىلمىستىق كودەكسىنىڭ 135-بابىنىڭ 1-بولىگىمەن قاراساي اۋداندىق اكىمدىگىندە تىركەلدى. قازىرگى ۋاقىتتا كۇدىكتىگە قاتىستى تەرگەۋدىڭ جان-جاقتىلىعىن, تولىقتىعىن جانە وبەكتيۆتىلىگىن قامتاماسىز ەتۋ ماقساتىندا ساراپتامالار تاعايىندالىپ, جەدەل-ىزدەستىرۋ شارالارى جۇرگىزىلىپ جاتىر», دەپ حابارلادى الماتى وبلىستىق پوليتسيا دەپارتامەنتىنىڭ باستىعى باۋىرجان الەنوۆ.
ۇستالعان ازامات قاراساي اۋداندىق پوليتسياسىنىڭ ۋاقىتشا ۇستاۋ يزولياتورىنا قامالدى.
