«اتالعان بايقاۋدىڭ ماقساتى – جاس ۇرپاقتى قازاق حالقىنىڭ تاريحي-مادەني مۇراسىن قۇرمەتتەۋگە ۇيرەتۋ, بالالاردى باتىلدىققا, توزىمدىلىككە تاربيەلەۋ. اتالعان جوبا شەڭبەرىندە جىل بويى ءتۇرلى چەللەندجدەر, جارىستار, بايقاۋلار وتكىزىلىپ جاتىر. بۇگىنگى وليمپيادا – وسى كەشەندى ءىس-شارالاردىڭ جالعاسى دەسەك بولادى», دەيدى ءبىلىم باسقارماسىنا قاراستى وڭىرلىك دەنەشىنىقتىرۋ جانە بالالار مەن جاسوسپىرىمدەر ءتۋريزمى ورتالىعى ديرەكتورىنىڭ ورىنباسارى ناتاليا ريابچەنكو.
ساقاسىن ءيىرىپ, شيىرىپ اسىق اتىپ, ويىن قىزىعىنا تۇسكەن بالالاردىڭ ىشىندە ءتۇرلى ۇلت وكىلدەرى دە بارشىلىق. ءىس-شارانى ۇيىمداستىرعان قالالىق ءبىلىم ءبولىمى ماماندارىنىڭ ايتۋىنا قاراعاندا, بۇگىندە قوستانايدا بىرنەشە اسىق اتۋ ۇيىرمەسى جۇمىس ىستەيدى ەكەن. سونىڭ ءبىرى – №3 بالاباقشادا. مۇندا 25 بالا ۇلتتىق ويىن ۇيىرمەسىنە بارىپ ءجۇر. «بىزدەگى ۇيىرمە اتا-انالار مەن بالالاردىڭ قالاۋى بويىنشا اشىلعان. قازىر جاقسى جۇمىس ىستەپ جاتىر. ۇلتتىق ويىنداردى ۇيرەتەتىن جالعىز ۇيىرمە – وسى. مۇنداي ۇيىرمەلەر باتىل بولۋعا, مەرگەندىككە, شيراقتىققا ۇيرەتەدى, بالانىڭ ويلاۋ قابىلەتىن دامىتادى», دەيدى مەكتەپكە دەيىنگى تاربيە بەرۋ مەكەمەسىنىڭ وكىلدەرى.
جارىس قورىتىندىسى بويىنشا, 54 ۇپاي جيناعان №3 بالاباقشانىڭ مەرگەندەرى ءبىرىنشى ورىندى جەڭىپ الىپ, جەڭىس تۇعىرىنان كورىندى. جابىلىپ ءجۇرىپ 48 ۇپاي جيناعان №44 بالاباقشانىڭ بوبەكتەرى ەكىنشى ورىنعا تابان تىرەسە, ولاردان نەبارى ەكى-اق ۇپاي ايىرماشىلىعىمەن ارتتا قالعان №8 بالاباقشانىڭ باتىرلارىنا ءۇشىنشى ورىندى قاناعات تۇتۋعا تۋرا كەلدى.
قوستاناي وبلىسى
