ەلىمىزدىڭ باسىم بولىگىندە جەل كۇشەيىپ, كوكتايعاق بولادى

«قازگيدرومەت» رمك مالىمەتى بويىنشا, 24 قاراشادا استانادا تۇندە قار جاۋىپ, كۇندىز جاۋىن-شاشىن (جاڭبىر, قار), كوكتايعاق, بۇرقاسىن كۇتىلەدى. تۇندە جانە تاڭەرتەڭ تۇمان تۇسەدى.

اقمولا وبلىسىندا تۇندە قار, كۇندىز جاۋىن-شاشىن (جاڭبىر, قار), وبلىستىڭ سولتۇستىك-باتىسىندا قاتتى جاۋىن-شاشىن, كوكتايعاق, بۇرقاسىن, تۇمان كۇتىلەدى. وبلىستىڭ باتىسى مەن سولتۇستىگىندە ەكپىنى 30 م/س دەيىن جەل سوعادى. 

تۇندە اقتوبە وبلىسىنىڭ وڭتۇستىك-شىعىسىندا قالىڭ قار جاۋىپ, وبلىستىڭ وڭتۇستىگىندە كوكتايعاق بولىپ, قار جاۋادى. جەل سولتۇستىك-باتىستان وڭتۇستىك-باتىسقا قاراي سوعادى, تۇندە وڭتۇستىكتە, كۇندىز وبلىستىڭ سولتۇستىگى مەن باتىسىندا ەكپىنى 15-20 م/س جەل سوعادى.

كۇندىز اتىراۋ وبلىسىنىڭ سولتۇستىگى مەن شىعىسىندا كوكتايعاق كۇتىلەدى. جەل سولتۇستىك-باتىستان سوعادى.

شىعىس قازاقستان وبلىسىندا وڭتۇستىك-باتىستان سولتۇستىك, شىعىس, وڭتۇستىك ايماقتارعا 23 م/س جەل سوعادى.

جەتىسۋ وبلىسىنىڭ تاۋلى ايماقتارىندا تۇندە جانە تاڭەرتەڭ تۇمان كۇتىلەدى. وڭتۇستىك-شىعىستان جەل سوعادى.

كۇندىز باتىس قازاقستان وبلىسىنىڭ باتىسىندا, سولتۇستىگىندە جانە شىعىسىندا كوكتايعاق كۇتىلەدى. وبلىستىڭ باتىسىندا تۇمان تۇسەدى. سولتۇستىك-باتىستان سوعاتىن جەل وڭتۇستىك-باتىسقا اۋىسادى, كۇندىز وبلىستىڭ باتىسىندا, سولتۇستىگىندە, شىعىسىندا ەكپىنى 15-20 م/س جەل سوعادى.

قاراعاندى ​​وبلىسىنىڭ باتىسى مەن سولتۇستىگىندە بۇرقاسىن, كوكتايعاق كۇتىلەدى. 

قوستاناي وبلىسىنىڭ وڭتۇستىگىندە كەي جەرلەردە قار ارالاس جاڭبىر كۇتىلەدى. وبلىستىڭ شىعىسىندا, وڭتۇستىگىندە جانە ورتالىعىندا كوكتايعاق بولىپ, تۇمان تۇسەدى. وبلىستىڭ سولتۇستىگىندە, شىعىسىندا جانە ورتالىعىندا قارلى بوران سوعادى. 

قىزىلوردا وبلىسىندا باتىستان جەل سوعادى. وبلىستىڭ سولتۇستىگىندە ەكپىنى 25 م/س جەل سوعادى.

تۇندە ماڭعىستاۋ وبلىسىنىڭ سولتۇستىك-شىعىسىندا كەي جەرلەردە قاتتى جاۋىن-شاشىن (جاڭبىر, قار) كۇتىلەدى. وبلىستىڭ سولتۇستىگى مەن سولتۇستىك-شىعىسىندا تۇمان ءتۇسىپ, كوكتايعاق بولادى. 

پاۆلودار وبلىسىنىڭ سولتۇستىگىندە, وڭتۇستىگىندە جانە شىعىسىندا كوكتايعاق, وبلىستىڭ باتىسى مەن وڭتۇستىگىندە بۇرقاسىن كۇتىلەدى. 

سولتۇستىك قازاقستان وبلىسىنىڭ باسىم بولىگىندە جاۋىن-شاشىن, كۇندىز وبلىستىڭ وڭتۇستىك-شىعىسىندا قار ارالاس جاڭبىر, كوكتايعاق, بۇرقاسىن بولادى.

تۇركىستان وبلىسىنىڭ وڭتۇستىگىندە تۇندە جانە تاڭەرتەڭ تۇمان كۇتىلەدى.

ۇلىتاۋ وبلىسىنىڭ سولتۇستىگى مەن شىعىسىندا تۇندە كوكتايعاق بولادى.