فوتو: magomedadiev
بىراق ءالى دە ەۋروپا چەمپيوناتىنا قاتىسۋعا مۇمكىندىك بار. ەندىگى جىلدىڭ كوكتەمىندە ۇلتتار ليگاسىندا گرەكيا قۇراماسىنا قارسى وينايدى. رەسەيلىك مامان ماگومەد اديەۆ قازاقستان ۇلتتىق قۇراماسىنىڭ باس باپكەرى قىزمەتىنە 2022 جىلدىڭ ءساۋىر ايىندا تاعايىندالدى. اينالاسى ءبىر جارىم جىلدىڭ ىشىندە مۇسانىڭ باپكەر بالاسى قازاق فۋتبولىنىڭ تاريحىندا ۇلتتىق قۇرامانى بۇرىن جەتپەگەن بيىككە شىعاردى. اديەۆكە دەيىن دە ۇلتتىق قۇرامانىڭ باس باپكەرى قىزمەتىنە جەرگىلىكتى ءھام شەتەلدىك بىرنەشە مامان تاعايىندالدى. بىراق ەۋروپا چەمپيوناتىنا ىرىكتەۋ ويىندارىندا ءدال بۇگىنگىدەي دەڭگەيگە جەتە العان ەمەس.
ءبىزدىڭ فۋتبولشىلار مۇسا ۇلىنىڭ باعىتتاۋىمەن 10 ماتچقا قاتىستى: 6 ويىندا جەڭىسكە جەتتى, 4 ماتچتا ەسە جىبەردى. ماگومەد اديەۆتىڭ كەلىسىم-شارت مەرزىمى وسى جىلى بىتەدى. قازاقستان فۋتبول فەدەراتسياسى باس باپكەرگە تاعى دا سەنىم ارتىپ, تىزە قوسىپ جۇمىس اتقارۋدى جالعاستىرۋى دا مۇمكىن.
