فوتو: اشىق دەرەككوزدەن
ستاتيستيكا دەرەكتەرىنە جۇگىنسەك, مەملەكەتتىك قىزمەتتەگى ايەلدەردىڭ ۇلەسى 2010 جىلى 52,7%-دى قۇراسا, 2022 جىلى 55,5%-عا دەيىن وسكەن. بىلتىر باسشىلىق لاۋازىمداعى ايەلدەردىڭ ۇلەسى - 39,2 پايىز بولسا, بيىل بۇل كورسەتكىش 40,8 پايىزعا وسكەن. ونىڭ ىشىندە قالا ايماعىندا باسشىلىق قىزمەتتەگى ايەلدەر - 41,5 پايىزدى قۇراسا, اۋىلدىق ايماقتاردا باسشىلىق قىزمەتتەگى قىز-كەلىنشەكتەردىڭ ۇلەسى - 38,5 پايىز. ال, ساياسي لاۋازىمداردا 59 ايەل جۇمىس ىستەيدى. بۇل قاتاردا مينيسترلەر, اگەنتتىكتىڭ, جوعارى اۋديتورلىق پالاتانىڭ جانە كونستيتۋتسيالىق سوتتىڭ توراعالارى, وبلىستاردىڭ جانە قالا اكىمدەرىنىڭ ورىنباسارلارى بار.
ينتەرنەت مۇمكىندىكتەرى ارتقان سايىن بيزنەس باستاۋعا ىنتالى بيكەشتەر قاتارى كوبەيگەن. كاسىپتەگى قىز-كەلىنشەكتەردى قولداۋعا مەملەكەت تە مۇددەلى. اتاپ ايتساق, «ايەلدەر كاسىپكەرلىگىن دامىتۋ ورتالىقتارى» مەن «بيزنەستەگى ايەلدەر» باعدارلاماسى ىسكە اسىرىلىپ وتىر. ورتالىق كاسىپكەر ايەلدەردىڭ باسەكەگە قابىلەتتىلىگى مەن الەۋەتىن ارتتىرۋدى كوزدەسە, ەۋروپالىق قايتا قۇرۋ جانە دامۋ بانكىمەن بىرلەسىپ جاسالعان باعدارلاما 48 جەرگىلىكتى كونسالتينگتىك جوبانىڭ جانە حالىقارالىق ساراپشىلاردىڭ قاتىسۋىمەن 6 جوبانىڭ جۇزەگە اسۋىنا ارقاۋ بولعان.
شاعىن جانە ورتا بيزنەستەگى ايەلدەردىڭ ۇلەسى جىل جىلجىعان سايىن كوبەيۋدە. 2011 جىلى كاسىپتەگى ايەلدەردىڭ ۇلەسى 38,4% بولسا, 2021 جىلى 44,6%-دى قۇراعان. ەلىمىزدە كاسىپورىن باسشىلارىنىڭ 30,8%-ى – ايەلدەر. ۇكىمەتپەن مەملەكەت قاتىساتىن كومپانيالاردىڭ باسشىلىق ورگاندارىندا ايەلدەردىڭ ۇلەسىن كەزەڭ-كەزەڭمەن 30%-عا دەيىن ارتتىرۋعا باعىتتالعان شارالار قابىلدانىپ جاتىر.
كاسىپتەگى قىز-كەلىنشەكتەردىڭ كەلەلى ماسەلەسىن شەشۋ جايى قاشان دا وزەكتى. وسى ماقساتتا بۇگىن استانادا قازاقستان اۋىل ايەلدەرىنىڭ VI رەسپۋبليكالىق فورۋمى ءوتتى.ء ىس-شارا ەلىمىزدىڭ بارلىق وڭىرىنەن 200-دەن استام كاسىپكەر ايەلدەردىڭ باسىن بىرىكتىردى.
2022 جىل مەن بيىلعى جىلدىڭ 10 ايىنىڭ قورىتىندىسى بويىنشا كاسىپكەر ايەلدەردىڭ 17 مىڭعا جۋىق جوباسى سۋبسيديالانعان. وعان 638 ملرد تەڭگە جۇمسالعان.
