فوتو: asqar.org
«مەن ءوزى جاستايىمنان اتاققا, مانساپقا, بيلىككە قىزىققان ادام ەمەسپىن. قاسىم-جومارت توقاەۆتى ەرتەدەن جەتە تانيمىن. ۇلتتىق عىلىم اكادەمياسىنىڭ ۆيتسە-پرەزيدەنتى لاۋازىمىنا ءوزى ۇسىنىپ تاعايىندادى. مەن مۇندا ۇزاق ايالدامايمىن. شەنەۋنىك بولۋ مەنىڭ جۇمىسىم ەمەس. مەملەكەت باسشىسىنىڭ جۇكتەگەن تاپسىرماسىن ورىنداسام بولدى, قىزمەتىمدى وتكىزەمىن. اكادەميانى قالاي قۇرۋ كەرەك, قانداي باعىتتى قامتىپ جۇمىستى جۇرگىزۋ قاجەت؟ گرانتتاردى قالاي بولگەن دۇرىس؟ مىنە, وسى سالا بويىنشا جۇمىس ىستەۋدىڭ مەحانيزمىن قۇرىپ بەرۋ مىندەتىم مەنىڭ. جۋىردا قاسىم-جومارت توقاەۆ قابىلداعاندا مەن تاعى ءبىر ماسەلەنى ايتتىم, پرەزيدەنت شەشەتىنىن جەتكىزدى. بار عۇمىرىن عىلىمعا ارناعان قاداۋ-قاداۋ اكادەميكتەر بار, ءالى ءۇيسىز ءجۇر. وسى شارۋانى ايتىپ ەدىم, نەشە پاتەر كەرەكتىگىن سۇرادى. مەن 50 پاتەر قاجەت ەكەنىن ايتتىم, ماسەلەنى شەشەتىن بولدى. مىنە, وسىنداي الەۋمەتتىك ماسەلەنىڭ دە ءتۇيىنىن تارقاتقان سوڭ عىلىم اكادەمياسىنىڭ ۆيتسە-پرەزيدەنتى دەگەن مانسابىمدى وتكىزەمىن», دەدى اسقار جۇمادىلداەۆ.
