سۋرەت سەيتجان سۇڭعاتتىڭ جەكە مۇراعاتىنان الىندى
اقىلبەك توميريس سۇڭعاتقىزى 14 قاراشا تاڭعى ساعات 8:10 دا دۇنيەگە كەلگەن. ءتوميريستىڭ اناسى مولداشەۆا ايكەرىم 19 جاسىندا, اكەسى سەيتجان سۇڭعات 20 جاسىندا اتا-انا اتاندى. جاس وتباسىنىڭ وتاۋ قۇرعانىنا − 1 جىل.
«اسس سەريكتەس» جشس ءورت ءسوندىرۋشىسى بولىپ جۇمىس ىستەيتىن سەيتجان سۇڭعات تۇڭعىشتارىنىڭ تاۋەلسىز ەل تاريحىندا قالعانىنا اسا قۋانىشتى ەكەنىن جەتكىزدى.
«مۇنداي ءسۇيىنشى حابار بولادى دەپ كۇتپەدىك. دەسە دە ءتوميريسىمىزدىڭ تاريحتىڭ بولشەگى بولعانىنا قۋانىشتىمىز. باستىسى دەنى ساۋ بولىپ ءوسسىن», دەدى جەزقازعاندىق 20 ميلليونىنشى تۇرعىننىڭ اكەسى.
ەسكە سالايىق, بۇگىن ساعات 8.10-دا تۋعان 5 بالا ەلىمىزدىڭ 20 ميلليونىنشى تۇرعىنى اتاندى. قازاقستاننىڭ مەرەيلى ازاماتتارى ۇلىتاۋ, جەتىسۋ, اتىراۋ, اقمولا جانە تۇركىستان وبلىستارىندا دۇنيەگە كەلدى. ولاردىڭ ىشىندە 3 ۇل جانە 2 قىز بار.
