فوتو: اشىق دەرەككوز
34 جاستاعى مۇحتار ازىمباەۆ پەن 1996 جىلى تۋعان ديانا تالعاتقىزىنىڭ شاڭىراعىندا ومىرگە كەلگەن ءتورتىنشى ءسابي قازاقستاننىڭ 20 ميلليونىنشى تۇرعىنى بولىپ تىركەلدى. اسكەري سالا قىزمەتكەرى مۇحتار اقجولتاي اقپاراتتى پەرزەنتحانادا جاتقان جارىنان ەستىپتى. «بۇگىن وبلىس اكىمى بەيبىت يساباەۆ ءوزى قۇتتىقتادى. مۇنداي قۇرمەتكە كەنەلەمىز دەپ ويلاعامىز جوق», دەيدى مۇحتار سابدەنباي ۇلى.
مۇحتار مەن ديانانىڭ تۇڭعىشى قىز بالا, تالدىقورعان قالاسىنداعى اباي اتىنداعى مەكتەپتىڭ 2-سىنىپ وقۋشىسى. ودان كەيىن ەكى ۇل بولعان. ءومىر ەسىگىن اشقان ءتورتىنشى ءسابي ايسۇلتاننىڭ بويى 50 سانتيمەتر, سالماعى 3 كەلى.
قازاقستان حالقىنىڭ سانى 2017 جىلدىڭ 11 مامىرىندا 18 ميلليونعا جەتتى. الماتى وبلىسى تالدىقورعان قالاسىندا ءومىر ەسىگىن اشقان مۋسليما ساماتقىزى 18 ميلليونىنشى ادام بولىپ تىركەلدى. تالدىقورعان قالاسىنىڭ تاعى ءبىر تۇرعىنى ايسۇلتان مۇحتار ۇلى دا قازاقستاننىڭ 20 ميلليونىنشى ادامى اتانادى ەندى.
