400-دەي ادەبي-سىن, عىلىمي ماقالالاردىڭ اۆتورى سەرىك نەگيموۆ قازاقستاندا حالىق سانىنىڭ 20 ميلليونعا جەتۋىن تاريحي وقيعا دەپ باعالادى.
ء«بىزدىڭ مەملەكەتىمىزدىڭ نىعايىپ, وركەندەۋى ءۇشىن, العا باسۋى ءۇشىن, الەمدىك قاۋىمداستىقتا ءوزىنىڭ لايىقتى ورنىن الۋ ءۇشىن حالقىمىزدىڭ دەموگرافياسىنىڭ وسكەنى قۋانتارلىق جاعداي. 20 ميلليونىنشى ءسابيدىڭ دۇنيەگە كەلۋى − حالقىمىزدىڭ وسكەندىگىن دالەلدەيتىن تاريحي وقيعا. ءبىزدىڭ ۇلى دالا, مەملەكەتىمىز 20 ميلليون حالىق ەمەس 150-200 ميلليون حالىقتى اسىراۋعا قاۋقارلى», دەدى سەرىك نەگيموۆ.
پروفەسسور حالىق سانىنىڭ وسۋىمەن قاتار, جاۋاپكەرشىلىك جۇگى دە سالماقتى بولا ءتۇسۋ كەرەك ەكەنىن ايتتى.
«حالقىمىزدىڭ سانىنىڭ وسكەنى قۋانىش سىيلايدى, بىراق ءارى قاراي دا حالقىمىزدىڭ تۇرمىسى, مادەنيەتى, ىنتىماعى, اۋىزبىرشىلىگى مول بولۋى كەرەك. ءبىزدىڭ جەرىمىزگە ءوندىرىس, زاۋىت, فابريكا كەرەك. پلاتوننىڭ «مەملەكەت» اتتى تاريحي تراكتاتىندا ەل بيلەۋشى, ءامىرشى حالىققا بەيبىتشىلىك سىيلاۋ كەرەك دەسە, كونفۋتسي «قالىڭ قولدى كوسەمسىز قالدىرۋعا بولادى, قارا حالىقتى كاسىپسىز قالدىرۋعا بولمايدى» دەگەن. كاسىپ دەگەن ءناسىپ», دەپ ءتۇيدى س.نەگيموۆ.
ول ەكونوميكا دەموگرافيا دامۋىنىڭ نەگىزگى كىلتى دەگەن پىكىردە. بۇل مەجە ورىندالۋى ءۇشىن وتاندىق ەكونوميكا وركەندەۋ كەرەك.
«حالقىمىزدىڭ ءوسۋى مەملەكەتىمىزدىڭ قورعانىش قابىلەتىنىڭ ارتۋى دەپ بىلەمىن. ەل تۇتقاسىن ۇستاعاندار حالىققا جۇمىس تاۋىپ بەرسە حالىقتىڭ ىشىندە 8 ملن 400 مىڭ ادام كرەديتتە وتىر, 2,5 ملن ادام زەينەتكەر. حالىق سانى ءوسۋ ءۇشىن ەكونوميكا گۇلدەنىپ, ۇلتتىق ونەر, ۇلتتىق كاسىپ, ۇلتتىق ءداستۇر جاندانۋ كەرەك», دەدى سەرىك نەگيموۆ.
ءسوز سوڭىندا فيلولوگيا عىلىمدارىنىڭ دوكتورى, پروفەسسور سەرىك نەگيموۆ قازاقستاننىڭ بولاشاعى جارقىن بولۋىن تىلەدى.
