دەپۋتاتتاردىڭ تالقىلاۋىنا رەزەرۆتەگى قىزمەت ماسەلەلەرى تۋرالى زاڭ جوباسىن ءبىرىنشى وقىلىمدا قاراۋ ۇسىنىلادى. زاڭ جوباسىندا اسكەري قىزمەتتىڭ جاڭا ءتۇرى – اۋماقتىق قاعيداتى بويىنشا (تۇرعىلىقتى جەرى) كەلىسىمشارت نەگىزىندە قىزمەتتىڭ ەرىكتى ءتۇرى بولىپ سانالاتىن رەزەرۆتەگى قىزمەت ەنگىزىلەدى. ۇسىنىلعان تۇزەتۋلەر اسكەري بولىمدەردى ادام رەسۋرستارىمەن كەپىلدەندىرىلگەن قامتاماسىز ەتۋگە جانە جاۋىنگەرلىك ءىس-قيمىلدارعا دايىن رەزەرۆتىك كۇشتەر قۇرۋعا باعىتتالعان.
سونىمەن قاتار دەپۋتاتتار الداعى جالپى وتىرىستا «بالا قۇقىقتارى تۋرالى كونۆەنتسياعا حابارلار راسىمىنە قاتىستى فاكۋلتاتيۆتىك حاتتامانى راتيفيكاتسيالاۋ تۋرالى» زاڭ جوباسىن قارايدى. حاتتامادا كونۆەنتسيادا بەكىتىلگەن بالا قۇقىقتارى بۇزىلعان جاعدايلاردا جەكە شاعىمداردى قاراۋ تەتىكتەرى بەلگىلەنەدى. بۇل ەل ازاماتتارىنىڭ ءوز مۇددەلەرىن حالىقارالىق زاڭناما اياسىندا قورعاۋدى قامتاماسىز ەتەدى.
سونداي-اق ۇلتتىق قاۋىپسىزدىكتى قامتاماسىز ەتۋ جانە ارناۋلى مەملەكەتتىك ورگاندارداعى قىزمەت ماسەلەلەرى بويىنشا تۇزەتۋلەر ەكىنشى وقىلىمدا قارالادى.
ءماجىلىس كوميتەتتەرى بىرقاتار جاڭا زاڭ جوباسىن تالقىلاۋعا قابىلدايدى. ولار: زياتكەرلىك مەنشىك قۇقىقتارىنىڭ ساۋدا اسپەكتىلەرى جونىندەگى كەلىسىمگە تولىقتىرۋ ەنگىزۋ تۋرالى حاتتامانى راتيفيكاتسيالاۋ, سپورت باعىتىنداعى جىلقىلاردىڭ قازاقى تۇقىمىن ساقتاۋ جانە ءوسىمىن مولايتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى زاڭ جوباسى.
