فوتو: gov.kz
«10 قاراشادا ۇقك قىزمەتكەرلەرى 2013 جىلدان باستاپ سيريادا تەرروريستىك توپتار قۇرامىندا بولعان قر ازاماتىن تۇركيادان قازاقستانعا جەتكىزدى. ونىڭ راديكالدىق يدەيالاردان كوڭىلى قالعانى, ءوز ەركىمەن تەرروريستىك ارەكەتتەن باس تارتىپ, تۇركياعا وتكەنى جانە وتانىنا ورالۋ ءۇشىن بيلىك وكىلدەرىنە بەرىلۋدى شەشكەنى بەلگىلى. ءوزىنىڭ ارەكەتىمەن ول باسقا سودىرلارعا ولاردىڭ ودان ءارى تەرروريستىك بەلسەندىلىك ايماقتارىندا بولۋدىڭ كەلەشەگى جوق ەكەنىن كورسەتپەك بولدى», دەلىنگەن اقپاراتتا.
ول قازاقستانعا جەتكىزىلگەن سوڭ قاماۋعا الىنىپ, قىلمىستىق كودەكستىڭ 257-بابى (تەرروريستىك توپ قۇرۋ, وعان باسشىلىق ەتۋ جانە ونىڭ ارەكەتىنە قاتىسۋ) بويىنشا قىلمىستىق ءىستى تەرگەۋ باستالدى. تەرگەۋ كەزىندە ونىڭ ەرىكتى تۇردە بەرىلگەنى ەسكەرىلەدى.
