مەملەكەت باسشىسى قاسىم-جومارت توقاەۆ ايتقانداي, ىنتىماقتاستىعىمىزدىڭ تاريحى باي, بولاشاعى جارقىن. مۇنىڭ ءبارى – 30 جىل بويى رەسەيمەن دوستىق, تاتۋ كورشىلىك, سىندارلى ديالوگ قۇرىپ كەلە جاتقانىمىزدىڭ ناتيجەسى.
مارتين ليۋتەر كينگ «اعايىن رەتىندە بىرگە ءومىر ءسۇرۋدى ۇيرەنۋىمىز كەرەك, ايتپەسە, اقىماق سياقتى بىرگە ولەمىز», دەيدى. مەنىڭشە, ەكىجاقتى قارىم-قاتىناسىمىزدىڭ ءمانى وسىندا جاتسا كەرەك. ءبىز باۋىرلاس بولىپ بىرگە ءومىر ءسۇرۋىمىز قاجەت. بالكىم, شالعايداعى مەملەكەتتەرمەن جاقسى قارىم-قاتىناس ورناتۋ وڭاي شىعار. بىراق تاتۋ كورشىلىك, سىندارلى, بەيبىت قارىم-قاتىناس ورناتۋ الدەقايدا قيىن.
تاۋەلسىزدىك العالى 30 جىل ىشىندە ەكى ەلدىڭ ىنتىماقتاستىعى كەڭەيىپ, زور تابىستارعا قول جەتكىزدى. ونىڭ ءبارىن سانامالاپ شىعۋعا ۋاقىت جەتپەس. ەڭ باستىسى, بۇعان قول جەتكىزگەنىمىز وسىعان دەيىنگى جۇمىستىڭ ناتيجەسى. ءبىز, پارلامەنت, ءتيىمدى ىنتىماقتاستىقتى دامىتۋعا ءوز ۇلەسىمىزدى قوسىپ كەلەمىز. دەپۋتاتتار پالاتاارالىق كوميسسيانىڭ اياسىندا جينالىپ وتىرامىز. وسى پالاتاارالىق كوميسسيانىڭ وتىرىستارىندا, ماجىلىستە جانە مەملەكەتتىك دۋمادا, سونىمەن قاتار فەدەراتسيا كەڭەسىندە جانە سەناتتا دوستىق توپتارى بار. وندا كوپتەگەن ماسەلەنى اشىق تالقىلايمىز. ءارتۇرلى ماسەلەنى, سونىڭ ىشىندە كۇيىپ تۇرعان تۇيتكىلدەردى تالقىلايمىز. ماسەلەن, جاقىندا رەسەي تاراپىنان دەپۋتات ۆيكتور سەليۆەرستوۆ, قازاقستان تاراپىنان دەپۋتات پاۆەل كازانتسەۆ جەتەكشىلىك ەتەتىن «رەسەيمەن دوستىق» توبىنىڭ وتىرىسىن وتكىزدىك. جيىندا رەسەيدەگى قازاقتار تۇراتىن وڭىرلەر – استراحان, ومبى قالالارىندا قازاق مەكتەبىن اشۋعا ۋاعدالاستىق.
ايگۇل قۇسپان,
ءماجىلىس دەپۋتاتى
