ءبىزدىڭ ەلدىڭ شەكارالىق ايماقتارداعى اكىمدەرى مەن مينيسترلەرى «قايتسەك تاۋارلارىمىزدى وتكىزەمىز؟ قايتكەندە وتاندىق كاسىپورىنداردىڭ تاۋارلارىن رەسەيگە ساتقىزا الامىز؟» دەگەن ماسەلەلەرگە باسىن قاتىرىپ وتىر. بۇل – جىلدا ءوتىپ تۇراتىن ماڭىزدى فورۋم. پاندەميا كەزىندە عانا وتكەن جوق. ءبىر جىلى رەسەيدە, ءبىر جىلى قازاقستاندا ۇيىمداستىرىلاتىن ماڭىزدى جيىن وسىنداي وزەكتى ماسەلەلەردى شەشۋگە سەپتىگىن تيگىزەدى.
فورۋم – جاڭا ينۆەستيتسيالىق كەلىسىمشارتتاردى قۇرۋعا باعىتتالعان ماڭىزدى قادامداردىڭ ءبىرى. قازاقستان مەن رەسەيدىڭ اراسىنداعى ساۋدا قاتىناستارى 27 ملرد دوللاردى قۇرايتىن بولسا, ونىڭ ءبىراز بولىگى شەكارالىق ايماقتاردىڭ اراسىنداعى قارىم-قاتىناسقا بايلانىستى. ياعني 27 ملرد-تىڭ ۇشتەن ءبىر بولىگى شەكارالىق ايماقتاعى قارىم-قاتىناستاردىڭ ماسەلەسى دەگەن ءسوز. ونىڭ ىشىندە اشىق جانە جابىق ساۋدا بار. سوندىقتان بۇل جيىنعا نەمقۇرايدى قاراۋعا بولمايدى.
سودان كەيىن ەكى ەلدىڭ اراسىندا شەشىلمەي كەلە جاتقان ماسەلەلەر دە بار. ماسەلەن, ترانسشەكارالىق سۋ ماسەلەسىن الايىق. قازاقستانعا كەلەتىن وزەن سۋىنىڭ كوبى قىتاي, وزبەكستان, رەسەي ارقىلى كەلەدى. وسى ماسەلەلەردى شەشۋ ءۇشىن دە دۇرىس قارىم-قاتىناس قاجەت. وتاندىق تاۋارلاردى ارى قاراي وتكىزۋ ءۇشىن جاسالىپ وتىرعان قيىندىقتار بار. مۇنداي ماسەلەلەردى دە وسىنداي اڭگىمە بارىسىندا شەشىپ وتىرۋ وزەكتى. قالاي دەگەنمەن دە كورشى ەكى الپاۋىت مەملەكەت – قىتاي جانە رەسەيمەن بىرگە ءومىر سۇرە ءبىلۋ, ولاردىڭ مۇمكىندىكتەرىن پايدالانا ءبىلۋ, الەۋەتىن پايدالانۋ – ەكونوميكامىزدى دامىتۋدىڭ العىشارتى.
ايدوس سارىم,
ءماجىلىس دەپۋتاتى
