«بۇل فورۋم ەكى مەملەكەت اراسىندا جىل سايىن ءوتىپ تۇراتىن جاقسى ءبىر ءداستۇرلى جيىن. 2003 جىلى ومبى قالاسىندا باستالعان ىنتىماقتاستىق فورۋمىنا بيىل 20 جىل تولىپ وتىر. بۇعان دەيىن رەسەي مەن قازاقستاننىڭ ءار ءتۇرلى قالالارىندا 18 مارتە باس قوستىق. 2015 جىلى سوچيدا وتكەن 12 فورۋمعا دا اۋىل شارۋاشىلىعى ماسەلەلەرى ارقاۋ بولعان. سوندىقتان بۇگىنگى فورۋمنىڭ تاقىرىبى اسا وزەكتى. بۇگىندە اگروونەركاسىپ كەشەنىن دامىتۋ – الەمنىڭ بارلىق ەلدەرى ءۇشىن اسا ماڭىزدى مىندەت سانالادى. اگروونەركاسىپ كەشەنى قازاقستان مەن رەسەي ەكونوميكاسىنىڭ ماڭىزدى باعىتتاردىڭ ءبىرى. ال قوستاناي – ەكى ەلدىڭ وڭىرارالىق بايلانىسىن نىعايتۋعا قولايلى ماڭىزدى قالانىڭ ءبىرى. قوستاناي وبلىسى رەسەيدىڭ ورىنبور, قورعان, چەليابى وبلىستارىمەن شەكتەسىپ جاتىر. سونىمەن قاتار ەگىن شارۋاشىلىعى دامىعان ءىرى اگرارلىق ءوڭىر سانالادى», دەدى مينيستر.
قوستاناي فورۋمىنا بەس جۇزدەن استام ادام جينالدى. رەسەي جاقتان گۋبەرناتورلار مەن اۋىل شارۋاشلىعى ماماندارى, ساراپشىلارىمەن ون ەكى وبلىستان دەلەگاتسيا كەلدى.
اۋىل شارۋاشىلىعى ءمينيسترى ايداربەك ساپاروۆتىڭ ايتۋىنشا, فورۋمداعى ەڭ وزەكتى ماسەلە كليمات جايى بولماق. «وسى وبلىستا سوڭعى بەس جىل ىشىندە ەكى جىل قۇرعاقشىلىق بولدى. بيىل جاۋىن مولشەرى كوپ ءتۇسىپ, ءبىراز قيىنشىلىقتار بولدى», دەدى مينيستر.
فورۋم اياسىندا قازاقستان مەن رەسەي اراسىندا وڭىرارالىق دەڭگەيدەگى بىرقاتار قۇجاتقا قول قويىلدى.
«بۇگىندە ەكى ەل اراسىنداعى اۋىلشارۋاشىلىق ونىمدەرى ساۋداسىن دامىتۋ ماڭىزدى. قازاقستان مەن رەسەيدىڭ ءوزارا تاۋار اينالىمىنداعى اۋىلشارۋاشىلىق شيكىزاتى مەن وڭدەلگەن ءونىمنىڭ ۇلەسى 2022 جىلى 3,8 اقش دوللارىن قۇرادى. بۇل ەلىمىزدەگى تاۋار اينالىمىنىڭ 30 پايىزى عانا», دەدى مينيستر.
