فوتو: ەرلان وماروۆ
«Egemen Qazaqstan» گازەتىنىڭ رەداكتسياسىندا وتكەن سالتاناتتى شارادا, فيلولوگ, تۇركىتانۋشى, ەلشى سەليم حازبيەۆيچتىڭ بىرنەشە كىتاپتارىنىڭ تۇساۋى كەسىلدى.
«سوعىسارالىق كەزەڭدەگى پولشا تاتارلارىنىڭ يدەولوگياسى», «پولسكيە تاتارى – ناسلەدنيكي زولوتوي وردى» كىتاپتارى بۇعان دەيىن دە وقىرمان قاۋىمنىڭ ىقىلاسىنا بولەنگەن ەدى. قىرىم تاتارلارىنىڭ تاعدىر تالايى تۋرالى دوكتورلىق ديسسەرتاتسياسىن قورعاعان سەليم حازبيەۆيچتى پولياك حالقى اقىن رەتىندە دە تانيدى. سەبەبى 1978 جىلدان بەرى بىرنەشە جىر جيناعى جارىق كوردى.
ءىس-شارانى ۇيىمداستىرۋعا ۇيىتقى بولعان جەتپىسباي بەكبولات ۇلى پولياك تاتارلارىنىڭ سانى از بولعانىمەن قاداۋ-قاداۋ تۇلعالار شىققانىن اتاپ ءوتتى. مىسالى, پولياك حالقىنان العاش بولىپ نوبەل سىيلىعىن العان جازۋشى گەنريك سەنكەۆيچ تە پولياك تاتارى.
ج.بەكبولات ۇلى قازاقستان مەن پولشا اراسىنداعى رۋحاني, مادەني, ادەبي بايلانىستاردىڭ نىعايىپ كەلە جاتقانىن, پولياك جەرىندە تۇراقتاپ قالعان قوڭىرات, نايمان, جالايىر رۋلارىنىڭ تاريحىن زەرتتەۋ قولعا الىنعانىن دا جەتكىزدى.
