فوتو: Turizm_jane_sport_ministrligi
ەسەپ بەرۋ كەزەگى سەمسەرلەسۋ مەن تاەكۆوندو فەدەراتسيالارىنىڭ باسشىلارىنا دا كەلدى. وسى ەكى سپورت تۇرىنەن فەدەراتسيا پرەزيدەنتتەرىن ءھام باپكەرلەردى جيناعان مينيستر جەتكەن جەتىستىك ماقتانارلىق ەمەس دەدى.
سەمسەرلەسۋ سپورتىنان باپكەرلەر حانچجوۋداعى جازعى ازيا ويىندارىندا كەمىندە 1 التىن, 1 قولا مەدال ەنشىمىزگە بۇيىرادى دەپ سەندىرگەن ەدى. سايىس ۇستىندە تەك 1 كۇمىس, 2 قولا جۇلدە ءتيدى.
تاەكۆوندودان دا 1 التىن, 1 كۇمىس, 2 قولا ۇزىن-ىرعاسى 4 مەدال ءتۇسۋى ءتيىس ەدى جوسپار بويىنشا. سپورتشىلار فينالعا شىعا المادى, تەك 2 قولا مەدالدى قاناعات تۇتتى.
«ەكى فەدەراتسياعا باعىنىشتى سپورت تۇرىنەن العان ولجامىز تىم از, ساتسىزدىك ساباق بولۋى ءتيىس. قورىتىندى شىعارىپ, الداعى سەگىز ايدا پاريج جازعى وليمپياداسىنا دايىندىقتى كۇشەيتۋ قاجەت», دەدى مينيستر.
فەدەراتسيا باسشىلارى بۇگىنگى ەسەپ بەرۋ جيىنىنان تاعى دا بوس شىققان جوق, جۇكتەمە ارقالاي كەتتى. ە.مارجىقپاەۆ سەمسەرلەسۋشىلەرگە پاريج جازعى وليمپياداسىنىڭ 5 جولداماسىن, تاەكۆوندوشىلارعا 2 جولداما ولجالاۋدى مىندەتتەدى.
