وبلىستىق اۋماقتىق سايلاۋ كوميسسياسىنىڭ مالىمەتىنشە, وڭىردەگى سايلاۋشىلار تىزىمىنە ەنگەن 28 897 ازاماتتىڭ 17 033-ءى داۋىس بەرۋگە قاتىسقان. ءۇش اۋدانداعى كانديداتتاردىڭ جالپى سانى – 9. ياعني ءار اۋداندا اكىم لاۋازىمىنا ءۇش ۇمىتكەر اراسىندا ساياسي تارتىس بولدى.
سونىمەن, بوكەيورداسى اۋدانى بويىنشا اۋەلگى ۇمىتكەر مەيرامبەك عيلمانوۆ سايلاۋشىلاردىڭ 782 داۋىسىن جينادى. ەكىنشى كانديدات نۇرلىبەك داۋموۆقا 4 660 سايلاۋشى داۋىس بەرگەن. ال نارىنبەك كەرەش العان داۋىس سانى – 426. سونداي-اق اۋداندا 178 سايلاۋشى «بارلىعىنا قارسىمىن» دەپ داۋىس بەرگەن.
قاراتوبە اۋدانىندا وتكەن سايلاۋدا قانات مۇقانوۆ سايلاۋشىلاردىڭ 557 داۋىسىن الدى. ەرمەك سايىنوۆ ءۇشىن 448 ادام داۋىس بەردى. قادىرجان سۇيەۋعاليەۆكە باسىم كوپشىلىك, ياعني 4 329 تۇرعىن داۋىس بەرگەن. «بارلىعىنا قارسى» بەلگىسى بار بيۋللەتەندەر سانى – 115.
ال تاسقالا اۋدانىندا مەلس نارىكوۆ – 1032, بەكجان توقجانوۆ – 381, ال تالعات شاكيروۆ 3 138 داۋىس جينادى. بۇل اۋداندا 317 ادام ءۇش ۇمىتكەرگە دە قارسى داۋىس بەرگەن.
وسىلايشا, سايلاۋدىڭ قورىتىندى ناتيجەسىمەن بوكەيورداسىنا – نۇرلىبەك داۋموۆ, قاراتوبەگە – قادىرجان سۇيەۋعاليەۆ, تاسقالا اۋدانىنا تالعات شاكيروۆ اكىم بولىپ سايلاندى.
جاڭا اكىمدەردىڭ العاشقى ەكەۋى بۇرىننان وسى لاۋازىمدا بولسا, تالعات شاكيروۆ بۇعان دەيىن تاسقالا اۋدانى اكىمىنىڭ ورىنباسارى قىزمەتىن اتقارعان.
باتىس قازاقستان وبلىسى
