بۇگىنگى جاڭالىقتا ەنەرگەتيكا ءمينيسترىنىڭ گاز باعاسىن 110 تەڭگەگە كوتەرۋ كەرەك دەگەن مالىمدەمەسى شىقتى. مۇنىڭ الدىندا دا سۇيىتىلعان گاز تىم ارزان دەگەن سەكىلدى اڭگىمەلەر قايتا-قايتا قىلاڭ بەرەتىن. سولار اسەر ەتتى مە, جانارماي قۇيۋ بەكەتتەرىندە گاز ازايىپ كەتتى. 2022 جىلدىڭ قاڭتار ايىنىڭ باسىندا گاز باعاسى 130 تەڭگەگە دەيىن كوتەرىلگەن ەدى. سول كەزدە جۇرت گازدى ساتىپ الۋدان باس تارتتى. ويتكەنى مۇنداي باعا ءتيىمسىز بولدى. ماسەلەن, كولىك 100 شاقىرىمعا 10 ليتر بەنزين جۇمسايدى. ال گاز قۇيساڭ 12-13 ليتر كەتەدى. سوندىقتان بۇرىنعى باعاعا قايتىپ بارسا, جۇرت تاعى دا الماي قويادى. ونىڭ ۇستىنە كولىككە گازدىڭ قوندىرعىسىن كەمى 150 مىڭ تەڭگەدەن قويدىرادى. گاز قىمبات بولسا, بۇل اقشانى دا جۇرگىزۋشىلەر وتەپ الا المايدى. قازىر اي-92 ماركالى بەنزين 200 تەڭگەنىڭ ۇستىندە ساتىلىپ جاتىر. گاز ودان 3 ەسە ارزان. سول ءۇشىن دە جۇرت سۇيىتىلعان گازبەن جۇرگەندى قالايدى», دەدى ول.
وسى ماسەلە بويىنشا مەگاپوليستەگى ءىرى مۇناي وڭدەۋشى زاۋىتتىڭ ءتيىستى ماماندارىمەن تىلدەسىپ كورگەن ەدىك. ءباسپاسوز قىزمەتىنىڭ حابارلاۋىنشا, بيىل كوكتەمدە زاۋىت اعىمداعى جوندەۋدەن وتكەن. وسى كۇزدە ەشقانداي قوسىمشا جوندەۋ جۇمىستارى كۇتىلىپ جاتقان جوق. سول سەبەپتى, مۇناي ونىمدەرىنىڭ بارلىق ءتۇرى جوسپارعا ساي شىعارىلىپ جاتىر. كاسىپورىن تولىق قۋاتتىلىقپەن جۇمىس ىستەپ تۇر.
شىمكەنت قالاسىنىڭ ەنەرگەتيكا باسقارماسى بەرگەن رەسمي مالىمدەمەدە دە قالادا سۇيىتىلعان گاز تاپشىلىعى جوق ەكەنى كورسەتىلگەن.
«قوردا 774 توننا سۇيىتىلعان گاز بار. قاراشا ايىنا – 7520, جەلتوقسانعا 7878 توننا گاز بولىنگەن. ەنەرگەتيكا مينيسترلىگى قوسىمشا 504 توننا گاز ءبولىپ وتىر. 2023 جىلعا شىمكەنتتىڭ سۇيىتىلعان گازعا سۇرانىسى 9500 توننانى قۇراعان. اكىمشىلىك پوليتسياسىنىڭ مالىمەتىنشە, قالادا 49538 كولىك گازبەن جۇرەدى. ال گازدىڭ باعاسى 64 تەڭگە تۇرادى. بۇگىنگى تاڭدا مۇناي وڭدەۋشى «پەتروكازاحستانويلپرودەكتس» كومپانياسى سۇيىتىلعان گازدى وتە باياۋ ءوندىرىپ جاتىر. كەلىسسوزدەر بارىسىندا 4-5 كۇندە بارلىق بەلگىلەنگەن مولشەردەگى سۇيىتىلعان گازدى بەرۋگە ۋاعدالاستى», دەلىنگەن حاتتا.
شىمكەنت
