فوتو: ult.kz
«ۇلتتىق ستاتيستيكا بيۋروسى «2021 جىلعى حالىق ساناعىنىڭ» قورىتىندىلارىن جاريالاۋدى جالعاستىرىپ جاتىر. بۇگىن stat.gov.kz سايتىندا (ۇلتتىق ساناقتار بولىمىندە) قازاقستان رەسپۋبليكاسى حالقىنىڭ ۇلتتىق قۇرامى, ءدىنى جانە تىلدەردى مەڭگەرۋى بويىنشا ەكىنشى تاقىرىپتىق جيناق جارىق كوردى», دەلىنگەن اقپاراتتا.
2021 جىلى وتكەن حالىق ساناعىنىڭ قورىتىندىسى بويىنشا قازاقتاردىڭ ۇلەسى 70,4%-عا جەتتى, ياعني 13,4 ميلليون ادام. 2009 جىلى جۇرگىزىلگەن ساناقتا قازاقتاردىڭ سانى 10 ميلليون بولعان ەدى. 12 جىلداعى ءوسىم 33,7%-عا جەتتى. وسىلايشا جالپى حالىق سانىنداعى قازاقتاردىڭ ۇلەسى ءبىر مۇشەل ۋاقىت ىشىندە 63,1%-دان 70,4%-عا دەيىن ءوستى. سونىمەن بىرگە سانى كوپ ۇلتتار قاتارىندا ورىستار (2,9 ملن ادام), وزبەكتەر (614 مىڭ ادام), ۋكرايندار (387 مىڭ ادام), ۇيعىرلار (290 مىڭ ادام) بار.
