سۋرەتتەردە: 1. اكادەميك-دەپۋتات سالىق زيمانوۆ «قازاق كەڭەستىك سوتسياليستىك رەسپۋبليكاسى مەملەكەتتىك ەگەمەندىگى تۋرالى» دەكلاراتسياسىن تانىستىرىپ تۇرعان ءسات. 2. دەكلاراتسيا جاريالانعان «سوتسياليستىك قازاقستان» گازەتىنىڭ سارعايعان پاراعى.
قازاق كسر جوعارعى كەڭەسىنىڭ ەكىنشى سەسسياسى 15 قازاندا جۇمىسىن باستادى. وندا توراعا ەرىك اسانباەۆ دەكلاراتسيانىڭ نەگىزگى جوباسى تۋرالى بايانداما جاساپ, قۇجات 17 قازان كۇنى «سوتسياليستىك قازاقستان» جانە «كازاحستانسكايا پراۆدا» گازەتتەرىندە جاريالاندى.
دەكلاراتسيا جوباسى 15-16 قازان كۇنى تالقىلاۋعا ءتۇسىپ, وعان 40-تان استام دەپۋتات قاتىسادى. 16 قازاندا 25 ادامنان تۇراتىن كوميسسيا قۇرىلىپ, توراعالىعىنا اكادەميك, دەپۋتات سالىق زيمانوۆ سايلاندى. ورىنباسارلىققا جوعارعى كەڭەس توراعاسىنىڭ ورىنباسارى ز.فەدوتوۆا مەن ەكونوميكالىق رەفورما, بيۋدجەت جانە قارجى كوميتەتى توراعاسىنىڭ ورىنباسارى م.وسپانوۆ ۇسىنىلدى. كوميسسيا قۇرامىنا اكادەميكتەر ج.ءابدىلدين, م.قوزىباەۆ, س.سارتاەۆ, جازۋشى ءا.كەكىلباەۆ, ارميا گەنەرالى س.نۇرماعامبەتوۆ, ۇقك گەنەرالى, شىعىس شەكارا وكرۋگىنىڭ قولباسشىسى ە.نەۆەروۆسكي, تاعى باسقا دەپۋتاتتاردان تۇراتىن 25 ادام كىردى.
25 قازان, 1990 جىل. «قازاق كەڭەستىك سوتسياليستىك رەسپۋبليكاسى مەملەكەتتىك ەگەمەندىگى تۋرالى» دەكلاراتسياسى ون ەكىنشى شاقىرىلعان قازاق كسر جوعارعى كەڭەسىنىڭ ەكىنشى سەسسياسى ەرتەڭگىلىك وتىرىسىنىڭ كۇن تارتىبىنە شىعارىلدى.
