فوتو: ۆەدومستۆو. تەلەگرام.
تۋريزم جانە سپورت ۆەدومستۆوسىنان ءمالىم بولعانداي ويىنداردىڭ اشىلۋ سالتاناتىندا ەلىمىزدىڭ كوك بايراعىن پارا ۆولەيبولدان ازيا چەمپيوناتىنىڭ كۇمىس جۇلدەگەرى جانعالي سۇيەۋوۆ جانە پارا ۇستەل تەننيسىنەن حالىقارالىق جارىستاردىڭ چەمپيونى التىناي ەرجانقىزى ۇستاپ شىقتى.
ازيا پارا ويىندارىنا قاتىسۋشىلاردى قۇتتىقتاعان تۋريزم جانە سپورت ءمينيسترى ەرمەك مارجىقپاەۆ سپورتشىلارىمىزدى قولداۋعا شاقىردى. ۆەدومستۆو باسشىسىنىڭ ايتۋىنشا پارا سپورتشىلاردىڭ وسىنداي زور دوداعا قاتىسۋىنىڭ ءوزى ۇلكەن جەڭىس, ولار تاعدىر سىناعىنا سىنىپ كەتپەي, ەرىك-جىگەرلەرى مەن سپورتقا قۇشتارلىقتارى ارقاسىندا وسىنداي دارەجەگە جەتىپ وتىر.
ايتا كەتسەك, وسى ايدىڭ 22-28 كۇندەرى ارالىعىندا وتەتىن ءدۇبىرلى دوداعا 43 مەملەكەتتەن 4000-عا جۋىق سپورتشى قاتىسادى. بايراقتى باسەكەدە 131- سپورتشىمىز 14 سپورت تۇرىنەن ونەر كورسەتىپ, 485 مەدال جيىنتىعىن ساراپقا سالادى.
