ءوڭىردىڭ قاراتوبە, بوكەيورداسى جانە تاسقالا اۋداندارى اكىمدەرىنىڭ تىكەلەي سايلاۋىنا دايىندىعىمەن تانىسقان وسك وكىلى اۋماقتىق سايلاۋ كوميسسيالارىنىڭ مۇشەلەرىنە ادىستەمەلىك جانە تاجىريبەلىك كومەك كورسەتتى.
اۋداندارداعى كەڭەستەردە جەرگىلىكتى اتقارۋشى, پروكۋراتۋرا ورگاندارىنىڭ, پوليتسيا ءبولىمىنىڭ, جۇمىسپەن قامتۋ جانە الەۋمەتتىك باعدارلامالار ءبولىمىنىڭ جانە اۋداندىق اۋماقتىق سايلاۋ كوميسسيالارىنىڭ ەسەپتەرى تىڭدالدى.
ۋچاسكەلىك سايلاۋ كوميسسيالارى مۇشەلەرىنىڭ بىلىكتىلىگىن ارتتىرۋ ماقساتىندا سايلاۋ ۇدەرىسىنىڭ قۇقىقتىق نەگىزدەرىنە وقىتۋ, اۋدان اكىمدەرىنىڭ سايلاۋىن دايىنداۋ جانە وتكىزۋ كەزىندە سايلاۋ كوميسسيالارىنىڭ جۇمىسىن ۇيىمداستىرۋ ماسەلەلەرى كەڭىنەن ءسوز بولدى. سايلاۋ كۇنى ۋچاسكەلىك سايلاۋ كوميسسيالارىنىڭ جۇمىسىنا بايلانىستى تاجىريبەلىك جاعدايلار دا تالداندى.
وقىتۋ سەمينارى بارىسىندا وسك مۇشەسى شاۆحات وتەمىسوۆ ازاماتتاردىڭ كونستيتۋتسيالىق قۇقىقتارىن ساقتاۋدا ەشقانداي كەدەرگى بولماۋعا ءتيىس ەكەنىن اتاپ ءوتىپ, سايلاۋ ۋچاسكەلەرىن ينفراقۇرىلىمدىق قامتاماسىز ەتۋ, ونىڭ ىشىندە ەلەكتر قۋاتىنىڭ, تەلەفون جانە ينتەرنەت قوسىلىمىنىڭ رەزەرۆتى كوزدەرىمەن قامتاماسىز ەتۋ بولىگىندە ساپالى دايىندىق جۇمىسىن جۇرگىزۋدى تاپسىردى. ول سونداي-اق سايلاۋ ۋچاسكەلەرىندە ەرەكشە قاجەتتىلىكتەرى بار ادامدار ءۇشىن جاعداي جاساۋدىڭ ماڭىزدىلىعىن اتاپ ءوتتى.
سونداي-اق وسك وكىلى الداعى سايلاۋ ناۋقانىنا قاتىساتىن بارلىق اۋىلداعى سايلاۋ ۋچاسكەلەرىنىڭ دايىندىعىن تەكسەرىپ, سايلاۋ كوميسسيالارى مۇشەلەرىنىڭ وزەكتى سۇراقتارىنا جاۋاپ بەردى.
