فوتو: Getty Images
مۇنداي كۇيگە تۇسكەندەردىڭ ىشىندە جاقىندارىن جوعالتىپ نەمەسە بارىنان ايىرىلىپ, ءتۇرلى سىناققا
سىنىپ كەتكەندەر از ەمەس.ء بىرى ىشىمدىك پەن ەسىرتكىگە سالىنىپ كەتسە, باسقاسى - ارامداردىڭ پيعىلىنا الدانىپ, باسپاناسىنان ايىرىلعاندار.
اۆتوردىڭ جازۋىنشا, قايىر سۇراپ, كوشە كەزگەندەردى الماتىنىڭ كەز كەلگەن كوشەسىنەن كەزدەستىرۋگە بولادى. «كوك بازار» ماڭىنان ءوتىپ بارا جاتىپ سولاردىڭ ءبىرىن əڭگىمەگە دە تارتقان.
«وتباسىم دا, ءۇيىم دە بولدى. كەيىن تۇرمەگە ءتۇستىم. شىققان سوڭ كىشكەنە ىشتىك ەندى. ۇيىمىزدەن ايىرىلدىق, əيەلىم كەتىپ قالدى. قالادا جالعىز əپكەم تۇرادى. ءوز وتباسى بار. وعان دا بارا بەرمەيسىڭ. قىسقاسى, ەشكىمگە كەرەك ەمەسپىن», دەپ كۇرسىندى ورىسشا قازاقشانى ارالاستىرا سويلەگەن 50-لەر شاماسىنداعى ەر ادام.
ەلدىڭ تۇپكىرىنەن ۇلكەن مەگاپوليسكە «جاقسى ءومىر» ىزدەپ باراتىندار قانشاما. الايدا, بارلىعىنىڭ شاماسى جەتپەيدى, ءۇي جالداۋ قىمبات, تۋىستارى دا كومەكتەسپەيدى. قازىر قالادا كوشە كەزىپ جۇرگەن ادامداردىڭ سانى 300-دەن استى, ءتىپتى ودان دا كوپ بولۋى مۇمكىن. مامانداردىڭ ايتۋىنشا, بەلگىلى ءبىر تۇراعى جوق ادامداردىڭ سانىن دəل انىقتاۋ مۇمكىن ەمەس.
وسى تۇستا گازەت ءتىلشىسى الەۋمەتتانۋشى بەكزات نۇرمەتوۆتى اڭگىمەگە تارتىپ كوردى. ونىڭ ايتۋىنشا, قالا كوشەلەرىندە كۇنەلتكەن قاڭعىباستاردىڭ قۇجاتىن تۇگەندەپ, قاتارعا قوسۋعا كەيبىر مەملەكەتتىك مەكەمەلەر تاراپىنان اسا ىقىلاس جوق.
«ولاردىڭ قۇجاتى بولماعاندىقتان, ەش جەرگە جۇمىسقا قابىلدانبايدى. ال كەيبىرىنىڭ قولدارىندا قۇجاتى بولماسا دا, ايىپپۇلدارى از ەمەس. بەلگىلى تۇراعى جوق ادامداردىڭ اراسىندا شاش ەتەكتەن قارىزعا باتىپ, وسىنداي كۇيگە تۇسكەندەر دە بار», دەدى əلەۋمەتتانۋشى.
قىس مەزگىلى دە جاقىنداپ قالدى. قاقاعان ايازدا باسپاناسى جوق جانداردىڭ جاعدايى ءتىپتى مۇشكىل بولادى. ولارعا قول ۇشىن سوزۋ ماقساتىندا تەك الماتىدا عانا ەمەس, ءار وڭىردە الەۋمەتتىك نىساندار كوبەيسە ۇلكەن كومەك بولار ەدى.
ماقالانىڭ تولىق نۇسقاسىن «Egemen Qazaqstan» گازەتىنىڭ №199 (30678) سانىندا وقي الاسىزدار.
