فوتو: اشىق دەرەككوز
الماتى قالاسى, الماتى, جامبىل جانە تۇركىستان وبلىستارىنىڭ پوليتسيا قىزمەتكەرلەرى مەن پروكۋراتۋرا قىلمىستىق توپتىڭ 22 مۇشەسىن قاماۋعا الدى.
ۇيىمداستىرۋشىلاردىڭ قاتارىندا مەديتسينا قىزمەتكەرلەرى, نوتاريۋس, رەتسيپيەنتتەر مەن دونورلار بولعان. ولار رەتسيپيەنتتەر مەن دونورلاردى ىزدەۋ, جالعان قۇجاتتاردى رەسىمدەۋ جانە ىشكى ورگانداردى ترانسپلانتاتسيالاۋ مىندەتتەرىن ءوزارا ءبولىسىپ, ارەكەت ەتكەن.
«كەلىسىم سوماسى 6-10 ميلليون تەڭگەنى قۇرادى, وسىنداي سەگىز فاكت انىقتالدى. ءۇش نەگىزگى ۇيىمداستىرۋشى قاماۋعا الىندى. ىزدەستىرۋ ءىس-شارالارىنىڭ ناتيجەلەرى بويىنشا كۇدىكتىلەردەن اقشا, قۇجاتتاما, تسيفرلىق تاسىمالداعىشتار جانە باسقا دا زاتتاي دالەلدەمەلەر تاركىلەندى», دەلىنگەن حابارلامادا.
ايتا كەتسەك, «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ كودەكسىنە سايكەس ترانسپلانتاتسيالاۋ كەزىندە ادام اعزالارى مەن تىندەرىن الىپ-ساتۋعا تىيىم سالىنادى.
قر قك-ءنىڭ 116-بابى «ادامنىڭ اعزالارى مەن تiندەرiن الىپ قويۋعا ماجبۇرلەۋ نەمەسە زاڭسىز الىپ قويۋ» بويىنشا سوتقا دەيىنگى تەرگەپ-تەكسەرۋ جۇرگىزىلىپ جاتىر. باپتىڭ سانكتسياسى مۇلكى تاركىلەنىپ, 12 جىلعا دەيىن باس بوستاندىعىنان ايىرۋ تۇرىندەگى جازانى كوزدەيدى.
