فوتو: aqorda_resmi
«قازاقستان مەن قىتاي حالىقتارىن عاسىرلار بويعى دوستىق قاتىناستار بىرىكتىرەدى. بيىل مامىر ايىندا قىتاي تەلەديدارىنا بەرگەن سۇحباتىڭىزدا ءسىز ءبىزدىڭ ەلىمىزدە ءبىلىم العان جانە جۇمىس ىستەگەن كەزدەگى ەستەلىكتەرىڭىزبەن ءبولىسىپ, قىتاي ءتىلىن جەتىك بىلەتىن ادام رەتىندە ءبىزدىڭ اۋديتوريامىزدى باۋراپ الدىڭىز. مەن دە سۇحباتتى كوردىم. بۇل ەلدەرىمىز اراسىنداعى دوستىقتى نىعايتۋعا تىڭ سەرپىن بەردى دەپ ويلايمىن. ءسىزدىڭ توراعا سيمەن كەزدەسۋىڭىزدىڭ قورىتىندىسى بويىنشا ماڭىزدى ۋاعدالاستىقتارعا قول جەتكىزىلدى. ولار مەملەكەتتەرىمىز اراسىنداعى قارىم-قاتىناستىڭ جاڭا «التىن 30 جىلدىعى» كەزەڭىنە باعىت-باعدار بەرەدى. قىتاي تاراپى ارىپتەستەرىڭىزبەن بىرگە جوعارى دەڭگەيدە قول جەتكىزىلگەن وسى ۋاعدالاستىقتاردى جۇزەگە اسىرۋعا, عاسىرلار بويعى دوستىق بايلانىستار مەن ءوزارا ءتيىمدى ىنتىماقتاستىقتى نىعايتۋعا دايىن», دەدى لي تسيان.
كەزدەسۋ بارىسىندا اۋىل شارۋاشىلىعى, ينۆەستيتسيا, كولىك جانە ترانزيت, ەنەرگەتيكا, مۇناي-گاز حيمياسى, گەولوگيالىق بارلاۋ, اۆتوكولىك قۇراستىرۋ, جوعارى تەحنولوگيا, تسيفرلاندىرۋ سالالارىنداعى ءوزارا ىقپالداستىقتى نىعايتۋ ماسەلەلەرى دە تالقىلاندى.
قاسىم-جومارت توقاەۆپەن ديدارلاسۋدا لي تسيان ترانسشەكارالىق وزەندەردى بىرلەسىپ پايدالانۋ جونىندەگى ىنتىماقتاستىقتى جالعاستىرۋ جاعى دا قامتىلعانىن ايتتى.
