اشىق دەرەككوز
بىرەگەي جوبا قازىر استانا مەن الماتىدا جۇزەگە اسىرىلعان. تەرمينالدىڭ ارقاسىندا ازاماتتار تولقۇجات پەن جەكە كۋالىك الۋعا وزدەرى ءوتىنىش بەرە الادى. راسىمدەۋ بارىسىندا كليەنتتەر ەڭ ءساتتى فوتوسۋرەتتى تاڭداپ, مەملەكەتتىك باجدى سول جەردە تولەي الادى. ءوتىنىشتى تاپسىرۋ 5 مينۋتتان اسپايتىنداي ۋاقىتتى تالاپ ەتەدى.
«جىل باسىنان بەرى 2 ميلليونعا جۋىق ازامات تولقۇجات پەن جەكە كۋالىك الدى. كوپتەگەن جىلدار بويى بۇل قىزمەت قازاقستانداعى ەڭ تانىمال قىزمەتتەردىڭ ءبىرى بولىپ تابىلادى. ازاماتتاردىڭ ونى تەز ءارى كەزەك كۇتپەستەن الۋى ءۇشىن مەملەكەتتىك كورپوراتسيا قر ءىىم-مەن بىرلەسىپ «قۇجاتتامالىق تەرمينال» جوباسىن جۇزەگە اسىردى. قازىر تەرمينالدار ورناتىلعان حالىققا قىزمەت كورسەتۋ ورتالىقتارىنا ازاماتتار وتىنىشتەردىڭ 25 پايىزدان استامىن ءوز بەتىنشە بەرەدى», دەدى مەملەكەتتىك كورپوراتسيانىڭ باسقارما توراعاسى سۇيەنىش ءابدىلدين.
بۇگىنگى كۇنى تەرمينالدار استانادا كەرەي, جانىبەك حاندار كوشەسى, 4 جانە الماتى قالاسىندا, ماركوۆا كوشەسى, 44 مەكەنجايلارى بويىنشا ورنالاسقان حالىققا قىزمەت كورسەتۋ ورتالىقتارىندا ورناتىلعان. جوبانى ماسشتابتاۋ اياسىندا استاناداعى بارلىق حالىققا قىزمەت كورسەتۋ ورتالىقتارىندا تەرمينالدار ورناتىلىپ, ولاردى ىسكە قوسۋ جۇمىستارى جۇرگىزىلىپ جاتىر. مەملەكەتتىك كورپوراتسيانىڭ باسقارما توراعاسىنىڭ ايتۋىنشا, الداعى ۋاقىتتا مۇنداي قۇرىلعىلاردى بۇكىل قازاقستان بويىنشا ورناتۋ جوسپارلانىپ وتىر.
ايتا كەتەر بولساق, ەلوردادا 12-13 قازان ارالىعىندا جىل سايىنعى Digital Bridge 2023 حالىقارالىق IT فورۋمى ءوتىپ جاتىر. سونىمەن قاتار فورۋمدا «Qazaqstan Project Management Awards – 2023» جوبالاردى باسقارۋ ۇلتتىق بايقاۋىنىڭ قورىتىندىسى شىعارىلادى.
